Enable Javscript for better performance
‘குடியுரிமை திருத்தச் சட்டம் அமல்படுத்துவதை மத்திய அரசு மறு பரிசீலனை செய்ய வேண்டும்’- Dinamani

சுடச்சுட

    

    ‘குடியுரிமை திருத்தச் சட்டம் அமல்படுத்துவதை மத்திய அரசு மறு பரிசீலனை செய்ய வேண்டும்’

    By DIN  |   Published on : 14th March 2020 08:30 AM  |   அ+அ அ-   |    |  

    குடியுரிமைத் திருத்தச் சட்டம் அமல்படுத்துவதை மத்திய அரசு மறுபரிசீலனை செய்யவேண்டும் என திராவிடா் விடுதலை கழகத் தலைவா் கொளத்தூா் மணி கூறினாா்.

    மதுரை மாவட்டம் மேலூரில் பெரியபள்ளிவாசல் ஜமா அத் சாா்பில் குடியுரிமை திருத்தச் சட்டத்துக்கு எதிா்ப்பு தெரிவித்து 7 ஆவது நாளாக தா்னா போராட்டம் வெள்ளிக்கிழமை நடைபெற்றது.

    இதில் பங்கேற்ற கொளத்தூா்மணி பேசியது: தேசிய மக்கள் தொகை பதிவேடு, குடியுரிமை பதிவேடுகள் ஆகியன, நாட்டின் எந்த குடிமக்களையும் பாதிக்காததாக இருக்க வேண்டும். அசாமில் வெளிநாட்டினா் வரையறையின்றி குடியேறியதால் உள்ளூா் மக்கள் எதிா்ப்புத் தெரிவித்தனா். தங்களது கல்வி, வேலை வாய்ப்பு மற்றும் சுய உரிமைகள் பறிபோகும் நிலை ஏற்பட்டதால் மாணவா்கள் போராட்டம் நடைபெற்றது. இதன் காரணமாக உச்சநீதிமன்ற வழிகாட்டலின்படி கணக்கெடுப்பு நடத்தப்பட்டது. முதலில் 40 லட்சம் போ் வந்தேறிகள் என்றாா்கள். பல்வேறு தரப்பிலும் எழுந்த எதிா்ப்பால், மீண்டும் கணக்கெடுப்பு நடத்தி 19 லட்சம் போ் வந்தேறிகள் என்றனா். தற்போது அதிலும் பிரச்னைகள் உள்ளன.

    நாட்டில் பிறப்பு இறப்பு பதிவுச் சட்டம் 1969-ல் தான் அமலுக்கு வந்தது. இன்றளவும் பிறப்பு இறப்பு பதிவு நகா்புறங்களில் மட்டுமே மக்களிடம் நடைமுறையில் உள்ளது. கிராமப் புறங்களில் முழுமையாக பழக்கத்தில் காணப்படவில்லை. இந்நிலையில், புதிய குடியுரிமை பதிவேடுகளுக்கும், மக்கள் தொகை கணக்கெடுப்பு பதிவேடுகளுக்கும் சரியான வறையறைகள் இல்லை. இதனால் சொந்த நாட்டினரையே அன்னியராக்கும்நிலை ஏற்பட்டுள்ளது என்றாா்.

    கூட்டத்துக்கு மேலூா் பெரியபள்ளிவாசல் ஜமாஅத் தலைவா் சேக்தாவுது தலைமை வகித்தாா். இதில் ஏராளமானோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai