Enable Javscript for better performance
பிஎஸ் 4 ரக வாகனங்கள் பதிவு செய்ய மாா்ச் 31கடைசி: இன்று ஆா்டிஓ அலுவலகங்கள் செயல்படும்- Dinamani

சுடச்சுட

    

    பிஎஸ் 4 ரக வாகனங்கள் பதிவு செய்ய மாா்ச் 31கடைசி: இன்று ஆா்டிஓ அலுவலகங்கள் செயல்படும்

    By DIN  |   Published on : 14th March 2020 08:32 AM  |   அ+அ அ-   |    |  

    பிஎஸ் 4 ரக வாகனங்கள் பதிவு செய்வதற்கான அவகாசம் முடிவடைவதையொட்டி, மதுரை வடக்கு, தெற்கு, மைய வட்டாரப் போக்குவரத்து அலுவலகங்கள் சனிக்கிழமைகளில் செயல்படும் என அறிவிக்கப்பட்டுள்ளது.

    மத்திய தரைவழிப் போக்குவரத்து மற்றும் நெடுஞ்சாலைத் துறையின் அறிக்கையின்படி, பிஎஸ் 4 ரக வாகனங்கள் மாா்ச் 31 ஆம் தேதிக்கு முன்பு பதிவு செய்திருக்க வேண்டும் எனத் தெரிவிக்கப்பட்டுள்ளது. மேலும், பிஎஸ் 4 ரக வாகனங்களை 2020 மாா்ச் 31-க்குப் பிறகு இந்தியாவில் விற்பனை செய்யவோ, பதிவு செய்யவோ கூடாது என உச்சநீதிமன்றமும் உத்தரவிட்டுள்ளது.

    இந்நிலையில், வாகன விற்பனையாளா்களின் நலன் கருதி பிஎஸ் 4 ரக வாகனங்களைப் பதிவு செய்வதற்கு வசதியாக, சனிக்கிழமைகளில் (மாா்ச் 14, 21, 28) வட்டாரப் போக்குவரத்து அலுவலகங்கள் செயல்படும். மேலும், வாகனப் பதிவு தொடா்பான பணிகள் மட்டுமே மேற்குறிப்பிட்ட நாள்களில் மேற்கொள்ளப்படும்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai