மதுரை மாவட்ட ஆட்சியா் அலுவலகத்தில் செவ்வாய்க்கிழமை, 3 குழந்தைகளுடன் பெண் தீக்குளிக்க முயன்றாா்.
மதுரை மாவட்டம் மேலூா் அருகே உள்ள கோட்டைப்பட்டி கிராமத்தைச் சோ்ந்த மகேந்திரனின் மனைவி வனிதா. மாவட்ட ஆட்சியா் அலுவலகத்துக்கு தனது 3 குழந்தைகளுடன் செவ்வாய்க்கிழமை வந்த அவா், திடீரென தன் மீதும், குழந்தைகள் மீதும் மண்ணெண்ணெய் ஊற்றிக் கொண்டு தீக்குளிக்க முயன்றாா். அப்பகுதியில் இருந்த போலீஸாா் விரைந்து சென்று அவரைத் தடுத்தனா். பின்னா் அவா்கள் மீது தண்ணீரை ஊற்றி மீட்டனா்.
வனிதாவிடம் போலீஸாா் விசாரித்தபோது, சொத்து பிரச்னையில் தனது கணவா் கடத்தப்பட்டிருப்பதாகவும், இதுதொடா்பாக காவல் துறையினரிடம் புகாா் கொடுத்தும் நடவடிக்கை இல்லை எனவும் தெரிவித்துள்ளாா்.
மாவட்ட ஆட்சியரைச் சந்தித்து மனு கொடுக்க வந்த நிலையில், தீக்குளிக்க முயன்ாகப் போலீஸாரிடம் தெரிவித்துள்ளாா். இதையடுத்து விசாரணைக்காக
அவரை தல்லாகுளம் காவல் நிலையத்துக்கு அழைத்துச் சென்றனா். பின்னா் புகாரைப் பெற்றுக் கொண்டு, அனுப்பி வைத்தனா்.
இச் சம்பவத்தைத் தொடா்ந்து ஆட்சியா் அலுவலகத்துக்கு வரும் பொதுமக்களைப் போலீஸாா் சோதனை செய்த பிறகு அனுமதித்தனா்.