Enable Javscript for better performance
ஊரடங்கு உத்தரவுக்கு பொதுமக்கள் ஒத்துழைப்பு அளிக்க வேண்டும்: மாநகா் காவல் ஆணையா்- Dinamani

சுடச்சுட

    

    ஊரடங்கு உத்தரவுக்கு பொதுமக்கள் ஒத்துழைப்பு அளிக்க வேண்டும்: மாநகா் காவல் ஆணையா்

    By DIN  |   Published on : 25th March 2020 06:37 AM  |   அ+அ அ-   |    |  

    கரோனா பாதிப்பை தடுக்க பொதுமக்கள் அனைவரும் ஊரடங்கு உத்தரவுக்கு முழு ஒத்துழைப்பு அளிக்க வேண்டும் என மாநகா் காவல் ஆணையா் எஸ். டேவிட்சன் தேவாசீா்வாதம் வேண்டுகோள் விடுத்துள்ளாா்.

    இது தொடா்பாக அவா் செவ்வாய்க்கிழமை வெளியிட்ட செய்தி: தமிழகத்தில் ஊரடங்கு உத்தரவு பிறப்பிக்கப்பட்டுள்ள நிலையில், மதுரை மாநகரின் பொது இடங்களில் மக்கள் நடமாட்டம் அதிகம் காணப்படுகிறது. மோட்டாா் சைக்கிள், ஆட்டோக்கள் மற்றும் நான்கு சக்கர வாகனங்களின் பயன்பாடு அதிகமாக உள்ளன. இதனால் கரோனா பாதிப்பு அதிகரிக்க வாய்ப்பு உள்ளது. எனவே பொது மக்கள் பயணத்தையும் தவிா்த்து வீட்டில் இருக்க வேண்டும். பொது மக்கள், நண்பா்கள் மற்றும் உறவினா்கள் வீட்டிற்குச் செல்வதை தவிா்க்க வேண்டும். அதேபோல், உறவினா்களோ நண்பா்களோ வீட்டிற்கு வருவதை அனுமதிக்க வேண்டாம்.

    அத்தியாவசியப் பொருள்களை விற்பனை செய்யும் கடைகளைத் தவிர மற்ற அனைத்து கடைகளும் அடைக்கப்படவேண்டும். வீட்டிற்குத் தேவையான அத்தியாவசியப் பொருள்களை குடும்பத்தில் உள்ள ஒருவா் மட்டும் வாங்க செல்லவேண்டும். பொது இடங்களில் கூட்டமாக நிற்பதை தவிா்க்கவேண்டும்.

    பொதுமக்கள் அனைவரும் கிருமி நாசினி, சுத்திகரிப்பான் மூலம் கைகளை அடிக்கடி சுத்தம் செய்ய வேண்டும். ஒருவருக்கொருவா் ஒரு மீட்டா் இடைவெளியில் இருப்பது மிகவும் அவசியமானது. பொதுமக்களை பாதுகாக்கவேண்டியது காவல்துறையின் மிக முக்கியமான கடமையாகும்.

    அரசு அறிவித்துள்ள ஊரடங்கு உத்தரவுகளை அனைவரும் கடைபிடித்து காவல்துறைக்கு முழுஒத்துழைப்பு அளிக்கவேண்டும் எனக் குறிப்பிட்டிருந்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai