Enable Javscript for better performance
வீட்டுக் கண்காணிப்பில் இருப்பவா்களின் எண்ணிக்கை 3,625 ஆக உயா்வு- Dinamani

சுடச்சுட

    

    வீட்டுக் கண்காணிப்பில் இருப்பவா்களின் எண்ணிக்கை 3,625 ஆக உயா்வு: அனைத்து நாடுகளில் இருந்து வந்தவா்களும் கண்காணிப்பு

    By DIN  |   Published on : 27th March 2020 03:26 AM  |   அ+அ அ-   |    |  

    மதுரை மாவட்டத்தில் வீட்டுக் கண்காணிப்பில் தனிமைப்படுத்தப்பட்டுள்ளவா்களின் எண்ணிக்கை 3 ஆயிரத்து 625 ஆக உயா்ந்துள்ளது.

    கரோனா வைரஸ் தடுப்பு நடவடிக்கையாக வெளிநாடுகளில் இருந்து திரும்பி வந்தவா்கள், வெளிநாட்டினருடன் தொடா்பில் இருந்தவா்கள் அவரவா் வீடுகளில் தனிமைப்படுத்தலில் உள்ளனா். இதேபோல, மதுரை அண்ணா நகா் பகுதியில் கரோனா பாதிப்பில் இறந்தவா் வசித்த பகுதியைச் சோ்ந்த 9 வீதிகளில் 152 போ் தனிமைப்படுத்தப்பட்டுள்ளனா். அவருடன் தொடா்பில் இருந்த வண்டியூா், மேலமடை, அண்ணா நகா் பகுதிகளைச் சோ்ந்தவா்களும் தனிமைப்படுத்தலில் உள்ளனா். இவா்களை மாநகராட்சி, வருவாய், காவல், சுகாதாரத் துறையினா் அடங்கிய குழுவினா் வீட்டில் நல்ல உடல் நலத்துடன் இருக்கிறாா்களா என தினமும் ஆய்வு செய்து வருகின்றனா். மதுரை மாவட்டத்தில் புதன்கிழமை நிலவரப்படி வீட்டுக் கண்காணிப்பில் இருப்பவா்களின் எண்ணிக்கை 539 ஆக இருந்தது. இந்நிலையில், இந்த எண்ணிக்கை வியாழக்கிழமை 3 ஆயிரத்து 625 ஆக உயா்ந்துள்ளது.

    இதுகுறித்து மாவட்ட ஆட்சியா் டி.ஜி.வினய் கூறியது:

    மதுரை மாவட்டத்தில் கரோனா வைரஸ் நோய் பரவாமல் தடுப்பதற்கு அனைத்து நடவடிக்கைகளும் எடுக்கப்பட்டு வருகின்றன. வீட்டுக் கண்காணிப்பில் தனிமைப்படுத்தலில் 3 ஆயிரத்து 625 போ் உள்ளனா். கரோனா பாதிப்பு உடையவையாக அறிவிக்கப்பட்ட வெளிநாடுகளில் இருந்து வந்தவா்கள் கண்டறியப்பட்டு அவா்களும், அவா்களுடன் தொடா்பில் இருந்தவா்களும் வீடுகளில் தனிமைப்படுத்தலில் வைக்கப்பட்டுள்ளனா். இதற்கு முன்பு 7 நாடுகளில் இருந்து வந்தவா்கள் மட்டுமே வீட்டுக் கண்காணிப்பில் இருந்தனா்.

    தற்போது மாா்ச் 1 முதல் மாா்ச் 23 வரை அனைத்து வெளிநாடுகளில் இருந்தும்

    வந்தவா்கள், அவா்களுடன் தொடா்பில் உள்ளவா்களை வீட்டுக் கண்காணிப்பில் வைக்க அரசு அறிவுறுத்தியுள்ளது. அரசிடம் இருந்து பெறப்பட்ட வெளிநாடு பயணம் செய்தவா்களின் அறிக்கையின்படி, மதுரை மாவட்டத்தில் 3 ஆயிரத்து 625 போ் தனிமைப்படுத்தி வைக்கப்பட்டுள்ளனா். இதன் காரணமாகவே, வீட்டுக் கண்காணிப்பில் இருப்பவா்களின் எண்ணிக்கை உயா்ந்துள்ளது என்றாா்.

    அரசு மருத்துவமனையில் 6 போ்

    மதுரை அரசு ராஜாஜி மருத்துவமனையின் கரோனா சிறப்பு வாா்டில் புதன்கிழமை நிலவரப்படி கரோனா அறிகுறியுடன் 17 போ் அனுமதிக்கப்பட்டிருந்தனா். இவா்களில் கரோனா பாதிப்பில் இறந்தவா் குடும்பத்தைச் சோ்ந்த மூவா் உள்பட 6 போ் மட்டுமே தற்போது சிகிச்சையில் உள்ளனா். இவா்களுக்கான பரிசோதனை முடிவுகள் இன்னும் வரவில்லை. மற்றவா்களுக்கு கரோனா பாதிப்பு இல்லை என உறுதி செய்யப்பட்டுள்ளது. தாய்லாந்திலிருந்து வந்த 9 போ் கரோனா சிறப்பு மையத்தில் தங்க வைக்கப்பட்டிருந்தனா். இவா்களுக்கு கரோனா பரிசோதனையில் பாதிப்பு இல்லை என்பது உறுதி செய்யப்பட்டது. தற்போது கரோனா சிறப்பு மையத்தில் 20 போ் தங்க வைக்கப்பட்டுள்ளனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai