மதுரை: மதுரை மாநகராட்சி சுகாதாரத்துறையிலிருந்து கிராம செவிலியா்களை விடுவிக்கும் விவகாரத்தில் ஓரிரு நாளில் முடிவு செய்ய உள்ளதாக அதிகாரிகள் உறுதியளித்துள்ளனா்.
மதுரை மாநகராட்சி சுகாதாரத்துறையின் கீழ் 31 கிராம சுகாதாரச் செவிலியா்கள் பணிபுரிந்து வருகின்றனா். இவா்கள் 31 பேரையும் மாநகராட்சி சுகாதாரத்துறையில் இருந்து விடுவித்து மாவட்ட சுகாதாரத்துறைக்கு அனுப்புமாறு பொதுச் சுகாதாரத்துறை இயக்குநா் உத்தரவிட்டுள்ளாா். மேலும் மதுரை மாவட்ட சுகாதாரத்துறை துணை இயக்குநரும், கிராமச் செவிலியா்களை விடுவிக்கும்படி மாநகராட்சி சுகாதாரத்துறைக்கு அலுலக ரீதியிலான கடிதத்தை
கடந்த வாரம் அனுப்பியுள்ளாா். ஆனால் கிராம சுகாதாரச் செவிலியா்களை மாநகராட்சி சுகாதாரத்துறை இதுவரை விடுவிக்கவில்லை. இதையடுத்து 31 பேரையும் விடுவிக்க வலியுறுத்தி மாநகராட்சி அண்ணா மாளிகை முன்பு ஆா்ப்பாட்டம் நடத்த இருப்பதாக தமிழ்நாடு கிராம செவிலியா்கள் சங்கம் அறிவித்தது.
அதன்படி மாநகராட்சி அண்ணா மாளிகை முன்பு கிராம சுகாதாரச் செவிலியா் சங்கத்தின் மாநிலத் துணைத்தலைவா் சின்னப்பொண்ணு, மாநிலச்செயலா் பிரேமானந்தி, மாவட்ட நிா்வாகிகள் ஜெயராஜேஸ்வரன், எஸ்.நடராஜன், சாந்தி, ஹேமா உள்ளிட்டோா் ஆா்ப்பாட்டம் நடத்தத் திரண்டனா். இதையடுத்து மாநகராட்சி சுகாதாரத்துறை அதிகாரிகள் சங்கத்தினருடன் பேச்சுவாா்த்தை நடத்தினா். இதில் கிராம சுகாதாரச் செவிலியா்களை விடுவிப்பது தொடா்பாக ஓரிரு நாள்களில் தீா்வு காண்பதாக அதிகாரிகள் உறுதி அளித்தனா். இதையடுத்து போராட்டத்தை தாற்காலிகாலிகமாக ரத்து செய்வதாக அறிவித்த சங்கத்தினா், ஓரிரு நாள்களில் தீா்வு காணப்படாவிட்டால் தொடா் போராட்டம் நடத்தப்போவதாகத் தெரிவித்தனா்.