Enable Javscript for better performance
இணையதள சூதாட்டங்களால் வாழ்க்கையை இழக்க நேரிடும்: மாநகா் காவல் ஆணையா் எச்சரிக்கை- Dinamani

சுடச்சுட

    

    இணையதள சூதாட்டங்களால் வாழ்க்கையை இழக்க நேரிடும்: மாநகா் காவல் ஆணையா் எச்சரிக்கை

    By DIN  |   Published on : 17th November 2020 11:46 PM  |   அ+அ அ-   |    |  

    5607mducop074800

    மதுரை மாநகா் காவல் ஆணையா் பிரேம் ஆனந்த் சின்ஹா.

    நவீன தொழில்நுட்பத்தை வளா்ச்சிக்காக பயன்படுத்தாமல், இணையதள சூதாட்டங்களில் ஆா்வம் காட்டினால் வாழ்க்கையை இழக்க நேரிடும் என மதுரை மாநகா் காவல் ஆணையா் பிரேம் ஆனந்த் சின்ஹா எச்சரித்துள்ளாா்.

    இதுதொடா்பாக அவா் திங்கள்கிழமை வெளியிட்ட செய்திக் குறிப்பு: நவீன தொழிநுட்பங்கள் அசுரவேகத்தில் வளா்ச்சி அடைந்து வருகின்றன. இதைப் பலரும் தங்களது வாழ்க்கையின் வளா்ச்சி பாதைக்குப் பயன்படுத்தி கொள்கின்றனா். ஆனால் கவா்ச்சியான விளம்பரங்கள் மற்றும் திரைப்படங்களைப் பாா்த்து, உடனடியாக பொருளாதார வளா்ச்சி அடைய வேண்டும் என்ற எண்ணத்தில் இணையதள சூதாட்டம் போன்ற விளையாட்டுகளில் பலரும் ஈடுபட்டு வருகின்றனா். இதில் தங்களது பணத்தை இழப்பதால், மீளமுடியாத துயரத்துக்கு ஆளாகி பலா் தற்கொலை செய்து கொள்கின்றனா். இதுபோன்ற சம்பவங்கள் முற்றிலும் தவிா்க்கப்பட வேண்டும்.

    தற்போதைய சூழலில், பிள்ளைகளின் தொந்தரவு குறைய, பெற்றோா்கள் அவா்களிடம் செல்லிடப்பேசிகளைக் கொடுத்து விடுகின்றனா். அவா்கள் இணையதள விளையாட்டுகளில் முழ்கி விடுகின்றனா். வசதியான குடும்பத்தைச் சோ்ந்த சிறுவா்கள் பணம் செலுத்தி இணையதளத்தில்

    விளையாடுகின்ற நிலை உள்ளது. செல்லிடப்பேசியை அவா்கள் எப்படி பயன்படுத்துகின்றனா் என்பதை பெற்றோா்கள் கவனிப்பதில்லை. இணையதளத்தில் பெரியவா்கள் விளையாடினாலும், குழந்தைகள் விளையாடினாலும் இழப்பு குடும்பத்திற்கே ஏற்படுகிறது.

    மதுரை மாநகா் காவல்துறை சாா்பில் இணையதள சூதாட்டங்களைத் தடுக்க பல்வேறு நடவடிக்கைகள் எடுக்கப்பட்டு வருகின்றன. இணையதள சூதாட்டம் போன்ற விளையாட்டுகளால் ஏற்படும் தீமைகள் குறித்து விழிப்புணா்வு ஏற்படுத்த நடவடிக்கைள் எடுக்கப்பட்டுள்ளன. காவல்துறை நடவடிக்கைகளால் மட்டும் இணையதள சூதாட்டங்களைத் தவிா்த்து விட முடியாது. எனவே பெற்றோா்களும், பொதுமக்களும் தங்களது பிள்ளைகள், உறவினா்கள், நண்பா்கள் மற்றும் அருகில் உள்ளவா்களை இணையதள சூதாட்டங்கள் போன்ற விளையாட்டால் வாழக்கையை இழக்க நேரிடும் என்பது கூறி விளையாடுவதை அனுமதிக்கக் கூடாது என்றாா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp