Enable Javscript for better performance
அறங்காவலா்களை நியமிக்கக் குழு:குற்றப்பின்னணி உள்ளிட்ட விவரங்களை தாக்கல் செய்ய உயா்நீதிமன்றம் உத்தரவு- Dinamani

சுடச்சுட

    

    இந்து அறநிலையத்துறை கோயில்களில் அறங்காவலா்களை நியமிக்கக் குழு:குற்றப்பின்னணி உள்ளிட்ட விவரங்களை தாக்கல் செய்ய உயா்நீதிமன்றம் உத்தரவு

    By DIN  |   Published on : 20th November 2020 09:46 PM  |   அ+அ அ-   |    |  

     

    தமிழகத்தில் இந்து சமய அறநிலையத்துறைக்குள்பட்ட கோயில்களில் அறங்காவலா்களை நியமிக்க மாவட்ட வாரியாக அமைக்கப்பட்டுள்ள குழுக்களில் உள்ளவா்களின் குற்றப் பின்னணி உள்ளிட்ட விவரங்களைத் தாக்கல் செய்யுமாறு சென்னை உயா்நீதிமன்ற மதுரைக்கிளை வெள்ளிக்கிழமை உத்தரவிட்டது.

    திருநெல்வேலி மாவட்டம் அம்பாசமுத்திரத்தைச் சோ்ந்த பெரியநம்பி நரசிம்ம கோபாலன் உயா்நீதிமன்ற மதுரைக் கிளையில் தாக்கல் செய்த மனு: தமிழகத்தில் உள்ள இந்து சமய அறநிலையத்துறை கட்டுப்பாட்டில் உள்ள கோயில்களில் அறங்காவலா் குழுவினா் நியமிக்கப்பட உள்ளனா். இதற்காக அறிவிப்பு வெளியிடப்பட்டு நடவடிக்கை எடுக்கப்பட்டு வருகிறது. அறங்காவலா் குழு நியமனத்துக்கான அறிவிப்பை அந்தந்த கோயில்களின் முன்பு அறிவிப்பாக வைக்க உரிய உத்தரவு பிறப்பிக்க வேண்டும் என்று குறிப்பிட்டிருந்தாா்.

    இந்த மனு, நீதிபதிகள் என். கிருபாகரன், பி. புகழேந்தி ஆகியோா் அடங்கிய அமா்வு முன்பு வெள்ளிக்கிழமை விசாரணைக்கு வந்தது. இதில், இந்து சமய அறநிலையத்துறை சாா்பில் ஆஜரான வழக்குரைஞா், இந்து சமய அறநிலையத்துறை விதிகளுக்குள்பட்டு கோயில்களில் அறங்காவலா்கள் நியமிக்கப்படுகின்றனா். அறங்காவலா்களை நியமனம் செய்ய, 21 மாவட்டங்களில் குழு அமைக்கப்பட்டுள்ளது. இதர மாவட்டங்களிலும் அமைக்கப்பட உள்ளது என்று வாதிட்டாா். அப்போது குறுக்கிட்ட மனுதாரா் தரப்பு வழக்குரைஞா், அறங்காவலா்களை நியமனம் செய்வதற்காக அமைக்கப்பட்டுள்ள குழுவில் குற்றச் செயல்களில் தொடா்புடையவா்கள், வழக்குகள் உள்ளவா்கள் நியமிக்கப்பட உள்ளனா் என்றாா். இருதரப்பு வாதங்களையும் கேட்ட நீதிபதிகள், அறங்காவலா்களை நியமனம் செய்வதற்காக 21 மாவட்டங்களில் அமைக்கப்பட்டுள்ள குழுவில் உள்ளவா்களின் பெயா்ப்பட்டியல், கல்வித்தகுதி, ஆன்மிகத்தில் அவா்களுக்கு உள்ள பற்று, குற்றச்சம்பவங்களில் அவா்களுக்கு தொடா்பு உள்ளதா? என்பன உள்ளிட்ட விவரங்களை பதில் மனுவாக தாக்கல் செய்யுமாறு உத்தரவிட்டு விசாரணையை டிசம்பா் 4 ஆம் தேதி ஒத்திவைத்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp