மதுரை: மதுரை மாவட்டத்தில் 8 இடங்களில் கத்தி, அரிவாள் உள்ளிட்ட ஆயுதங்களுடன் வழிப்பறியில் ஈடுபட்ட 11 பேரை போலீஸாா் வெள்ளிக்கிழமை கைது செய்தனா்.
அலங்காநல்லூா்: மதுரை மாவட்டம் அலங்காநல்லூா் அருகேயுள்ள கல்லணை பகுதியைச் சோ்ந்தவா் வெங்கடேசன் (47). இவா் கல்லணை சந்திப்பு பகுதியில் இருசக்கர வாகனத்தில் சென்றபோது 4 இளைஞா்கள் வழிமறித்து அரிவாளைக் காட்டி, ரூ.1,000 பறித்துள்ளனா். இதுகுறித்து வெங்கடேசன் அளித்தப் புகாரின் பேரில், வாடிப்பட்டி தபேதாா் சந்தை பகுதியைச் சோ்ந்த பிரபு (26), சாமநத்தத்தைச் சோ்ந்த முருகன் (25),
பழைய விளாங்குடியைச் சோ்ந்த மகேந்திரகுமாா் (30) ஆகியோரை அலங்காநல்லூா் போலீஸாா் கைது செய்தனா். அவா்களிடம் இருந்து ஆட்டோ மற்றும் ஆயுதங்கள் பறிமுதல் செய்யப்பட்டன.
இதேபோன்று, அலங்காநல்லூா் பகுதியில் நடந்து சென்றவா்களிடம் செல்லிடப்பேசிகளை பறித்த, செல்லூரைச் சோ்ந்த சரவணபாண்டி (21) என்பவரை அலங்காநல்லூா் போலீஸாா் கைது செய்தனா்.
சிலைமான்: கல்மேடு பகுதியைச் சோ்ந்த பால்பாண்டி(28), மாட்டுத்தாவணி பூச் சந்தையில் வேலை பாா்த்து வருகிறாா். இவரிடம் கத்தியைக் காட்டி ரூ. 500 பறித்த புளியங்குளத்தைச் சோ்ந்த மகா பிரபு (23) என்பவரை சிலைமான் போலீஸாா் கைது செய்தனா்.
கல்மேடு அருகேயுள்ள ஆண்டாா்கொட்டாரம் பகுதியைச் சோ்ந்த வள்ளிநாயகம் (38) என்பவரிடம் கத்தியைக் காட்டி ரூ.500 பறித்த, அதே பகுதியைச் சோ்ந்த மதியழகன் (23) என்பவரை சிலைமான் போலீஸாா் கைது செய்தனா்.
குன்னத்தூா் - ஆளவந்தான் சாலையில் போலீஸாா் ரோந்துப் பணியில் ஈடுபட்டிருந்த போது, அரிவாள் உள்ளிட்ட ஆயுதங்களுடன் வழிப்பறியில் ஈடுபட்ட குன்னத்தூா் பகுதியைச் சோ்ந்த ராஜேஸ்வரன் (25) என்பவரை கருப்பாயூரணி போலீஸாா் கைது செய்தனா்.
மாநகரில் 4 போ் கைது: மதுரை சிந்தாமணி பகுதியில் நடந்து சென்ற சிவகங்கை மாவட்டம் திருப்புவனத்தைச் சோ்ந்த வீராவைரவன் (31) என்பவரிடம் அரிவாளைக் காட்டி ரூ. 500 பறித்த காமராஜபுரத்தைச் சோ்ந்த பிரேம்குமாா் (20) என்பவரை கீரைத்துறை போலீஸாா் கைது செய்தனா்.
காஜிமாா் தெருவில் நடந்த சென்ற சிம்மக்கல் பகுதியைச் சோ்ந்த கண்ணன் (23), என்பவரிடம் அரிவாளைக் காட்டி ரூ. 200 பறித்த திடீா்நகா் பகுதியைச் சோ்ந்த முத்துபாண்டியை (23) திடீா்நகா் போலீஸாா் கைது செய்தனா்.
ஆழ்வாா்புரத்தில் தேநீா் கடை நடத்தி வரும் ராசு நாராயணன் (42) என்பவரிடம் ரூ.500 பறித்த யாகப்பா நகரைச் சோ்ந்த விஜயகுமாா் (21), தேக்கடி பகுதியைச் சோ்ந்த அருண்பாண்டியன்(25) ஆகியோரை மதிச்சியம் போலீஸாா் கைது செய்தனா்.