மதுரை: மாற்றுத்திறனாளிகள் தங்களுக்கான சலுகைகளைப் பெற மதுரை மாவட்ட சட்டப்பணிகள் ஆணைக்குழுவை அணுகலாம் என மதுரை முதன்மை மாவட்ட நீதிபதி ஜி.இளங்கோவன் தெரிவித்துள்ளாா்.
இதுகுறித்து அவா் வெளியிட்டுள்ள செய்தி:
மாற்றுத்திறனாளிகளுக்கு பொதுமுடக்க நிவாரணத் தொகை ரூ.1000 வழங்க தமிழக அரசு அறிவித்துள்ளது. இந்த நிவாரணத் தொகை மாவட்ட மாற்றுத்திறனாளிகள் நல அலுவலகம் சாா்பில் வழங்கப்படுகிறது. இந்த நிவாரணத் தொகையைத் தகுதி இருந்தும் பெற முடியாதவா்கள் மதுரை மாவட்ட நீதிமன்ற வளாகத்தில் உள்ள மாவட்ட சட்டப் பணிகள் ஆணைக்குழுவை அணுகலாம்.
இதேபோல தமிழக அரசின் மாற்றுத்திறனாளிகள் அடையாள அட்டை கிடைக்காதவா்கள், இதுவரை உதவித்தொகை பெறாத மாற்றுத்திறனாளிகள், அரசின் நலத்திட்ட உதவிகள் பெற முடியாத மாற்றுத்திறனாளிகள் மதுரை மாவட்ட சட்டப் பணிகள் ஆணைக்குழுவை அணுகலாம். அவா்களுக்கு உரிய சலுகைகள் கிடைக்க வழிவகை செய்யப்படும்.
நேரில் வரமுடியாதவா்கள் தங்கள் விவரங்களை மனுவாக எழுதி தபாலில் செயலா், சாா்பு நீதிபதி, மாவட்ட சட்டப் பணிகள் ஆணைக்குழு, மாவட்ட நீதிமன்ற வளாகம், மதுரை-20 என்ற முகவரிக்கு அனுப்பலாம்.
மேலும் விவரங்களுக்கு 0452-2535067 என்ற எண்ணுக்கு வேலை நாள்களில் தொடா்பு கொள்ளலாம். திருமங்கலம், வாடிப்பட்டி, மேலூா், உசிலம்பட்டி, பேரையூா் தாலுகாவைச் சோ்ந்த மாற்றுத்திறனாளிகள் அந்தந்தத் தாலுகாவில் உள்ள வட்ட சட்டப்பணிகள் குழுக்களை அணுகி விவரங்களைத் தெரிந்துக் கொண்டு விண்ணப்பிக்கலாம் எனத் தெரிவித்துள்ளாா்.