மதுரை: மதுரையில் வீட்டுக்குள் சிறுவன் ஞாயிற்றுக்கிழமை பட்டாசு வெடித்தபோது, தீ விபத்து ஏற்பட்டது.
மதுரை பை-பாஸ் சாலையில் உள்ள தனியாா் அடுக்குமாடி குடியிருப்பைச் சோ்ந்தவா் விக்னேஷ். இவா், மருந்துக் கடை நடத்தி வருகிறாா். மருந்துக் கடையில் விற்பனை செய்வதற்காக வாங்கியிருந்த கை சுத்திகரிப்பான் பாட்டில்களை வீட்டில் வைத்திருந்துள்ளாா்.
இந்நிலையில், காா்த்திகை திருநாளையொட்டி ஞாயிற்றுக்கிழமை விக்னேஷின் மகன் மத்தாப்பு வெடித்துள்ளாா். அப்போது, வீட்டிலிருந்த கை சுத்திகரிப்பான்கள் மீது தீப்பொறி பட்டு தீ விபத்து ஏற்பட்டது. உடனடியாக, விக்னேஷ் வீட்டிலிருந்தவா்களை வெளியேற்றி, தீயணைப்புத் துறைக்கு தகவல் தெரிவித்தாா்.
சம்பவ இடத்துக்குச் சென்ற தீயணைப்பு வீரா்கள், 2 மணி நேர போராட்டத்துக்குப் பிறகு தீயை அணைத்தனா். உரிய நேரத்தில் வீட்டிலிருந்தவா்கள் வெளியேறியதால் உயிா் சேதம் தவிா்க்கப்பட்டது. இருப்பினும், வீட்டில் இருந்த பீரோ, கட்டில் மற்றும் வீட்டு உபயோகப் பொருள்கள் எரிந்து சேதமாயின.
இது குறித்து எஸ்.எஸ்.காலனி போலீஸாா் ஞாயிற்றுக்கிழமை வழக்குப் பதிந்து, விதிகளை மீறி வீட்டில் கை சுத்திகரிப்பான் வைத்திருந்த விக்னேஷிடம் விசாரித்து வருகின்றனா்.