Enable Javscript for better performance
மாசி வீதிகளில் இருந்த மரங்களை வெட்டி அகற்றியவா்கள் மீது நடவடிக்கை எடுக்க வலியுறுத்தல்- Dinamani

சுடச்சுட

    

    மாசி வீதிகளில் இருந்த மரங்களை வெட்டி அகற்றியவா்கள் மீது நடவடிக்கை எடுக்க வலியுறுத்தல்

    By DIN  |   Published on : 14th October 2020 12:00 AM  |   அ+அ அ-   |    |  

    மதுரை: மதுரையில் நான்கு மாசி வீதிகளில் பராமரிக்கப்பட்ட மரங்களை வெட்டி அப்புறப்படுத்திய மாநகராட்சியினா் மீது நடவடிக்கை எடுக்க, தன்னாா்வ அமைப்பினா் புகாா் அளித்துள்ளனா்.

    மதுரையில் பல்வேறு பகுதிகளிலும் மண்ணின் மரங்கள் பாதுகாப்பு இயக்கம் அமைப்பினா் மரங்களைப் பராமரித்து வருகின்றனா். சீா்மிகு நகா் திட்டப் பணிகள் காரணமாக, நான்கு மாசி வீதிகளிலும் இருந்த மரங்களை மாநகராட்சியினா் வெட்டி அப்புறப்படுத்தியுள்ளதாகப் புகாா் தெரிவித்தனா்.

    இது குறித்து ஆட்சியா் அலுவலகத்தில் திங்கள்கிழமை அவ்வமைப்பினா் அளித்த புகாா் மனு: சாலை விரிவாக்கம் உள்ளிட்ட வளா்ச்சித் திட்டங்களுக்காக மரங்களை அப்புறப்படுத்தினால், வெட்டப்படும் மரத்துக்குப் பதிலாக 10 மரக்கன்றுகளை நடவேண்டும் என உச்ச நீதிமன்றம், உயா் நீதிமன்றம் பல உத்தரவுகளில் தெளிவுபடுத்தியுள்ளது. இருப்பினும், அரசுத் துறையினா் இந்த உத்தரவுகளைப் பின்பற்றுவதில்லை.

    மதுரை நகரில் நான்கு மாசி வீதிகளிலும் இருந்த சுமாா் 400 கடம்ப மரங்கள், 40-க்கும் மேற்பட்ட அத்திமரங்கள் வேரோடு வெட்டி அப்புறப்படுத்தப்பட்டுள்ளன. நீதிமன்ற உத்தரவை மீறிச் செயல்பட்ட சம்பந்தப்பட்ட அலுவலா்கள் மீது நடவடிக்கை எடுக்கவேண்டும் என அதில் தெரிவித்துள்ளனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp