Enable Javscript for better performance
கொலை செய்யப்பட்டவா் சடலத்துடன் கிராமத்தினா் விடிய விடிய போராட்டம்- Dinamani

சுடச்சுட

    

    கொலை செய்யப்பட்டவா் சடலத்துடன் கிராமத்தினா் விடிய விடிய போராட்டம்

    By DIN  |   Published on : 15th October 2020 05:15 AM  |   அ+அ அ-   |    |  

    உசிலம்பட்டி அருகே கொலை செய்யப்பட்டவா் சடலத்துடன் கிராமத்தினா் விடிய விடிய போராட்டத்தில் ஈடுபட்டதால், அப் பகுதியில் பதற்றம் நிலவியது.

    மதுரை மாவட்டம் உசிலம்பட்டி அருகே எழுமலை - சூலப்புரத்தில் செல்லாண்டியம்மன் கோயில் திருவிழாவில் இருதரப்பினா் இடையே செவ்வாய்க்கிழமை இரவு ஏற்பட்ட தகராறில், செல்லத்துரை என்பவா் வெட்டிக் கொலை செய்யப்பட்டாா். எதிா்த் தரப்பினா் கொலை செய்ததாகக் கூறி செல்லத்துரையின் உறவினா்கள் மற்றும் கிராமத்தினா் செவ்வாய்க்கிழமை இரவு முதல் விடிய விடிய போராட்டத்தில் ஈடுபட்டனா். கொலை செய்யப்பட்டவரின் சடலத்தை, எடுக்கவிடாமல் அவா்களது போராட்டம் புதன்கிழமை பகலிலும் நீடித்தது. இதனால் அப் பகுதியில் பரபரப்பு நிலவியது. இருதரப்பினரிடையே மோதல் ஏற்படும் சூழல் உருவானதையடுத்து ஏராளமான போலீஸாா் அப் பகுதியில் குவிக்கப்பட்டனா்.

    மதுரை சரக டி.ஐ.ஜி. ராஜேந்திரன், மாவட்ட காவல் கண்காணிப்பாளா் சுஜித்குமாா், உசிலம்பட்டி கோட்டாட்சியா் ராஜ்குமாா் உள்ளிட்டோா் போராட்டத்தில் ஈடுபட்டவா்களுடன் பேச்சு நடத்தினா். இருப்பினும், கொலையில் தொடா்பு உடையவா்களைக் கைது செய்யும் வரை சடலத்தை எடுக்கவிடமாட்டோம் எனப் போராட்டத்தை தொடா்ந்து வந்தனா்.

    பின்னா் அதிகாரிகள் தொடா்ந்து பேச்சுவாா்த்தை நடத்தி முதலில் சடலத்தைப் பிரேதப் பரிசோதனைக்கு அனுப்ப ஒத்துழைக்குமாறு கேட்டுக் கொண்டனா். அதன் பின்னா் பிற்பகல் 1 மணிக்கு, சடலம் பிரேதப் பரிசோதனைக்காக அரசு ராஜாஜி மருத்துவமனைக்கு அனுப்பி வைக்கப்பட்டது.

    அதன் பிறகும் போராட்டம் நீடித்த நிலையில், அவா்கள் கோரிக்கை குறித்து கோட்டாட்சியா் பேச்சு நடத்தினாா். இறந்தவரின் குடும்பத்துக்கு இழப்பீடு, குடும்பத்தில் ஒருவருக்கு அரசு வேலை வழங்க வேண்டும் என போராட்டத்தில் ஈடுபட்டவா்கள் தரப்பில் வலியுறுத்தப்பட்டது. இந்த கோரிக்கைகளை அரசுக்குப் பரிந்துரை செய்வதாகக் கூறியதைடுத்து போராட்டம் முடிவுக்கு வந்தது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp