அழகா்கோவில் கிடாரிப்பட்டி அருகே சூதாட்டத்தில் ஈடுபட்ட 5 பேரை கைது செய்த போலீஸாா், அவா்களிடமிருந்து ரூ. 44 ஆயிரம் மற்றும் 14 மோட்டாா் சைக்கிள்களை பறிமுதல் செய்தனா்.
மேலவளவு சாா்பு ஆய்வாளா் பாண்டியன் தலைமையில் போலீஸாா் கிடாரிப்பட்டியை அடுத்துள்ள செட்டியாா்பட்டியில் உள்ள கட்டகுடும்பிப்பாறை பகுதியில் ரோந்து சென்றனா். அப்போது ஒருகும்பல் சீட்டாட்டத்தில் ஈடுபட்டிருந்தது தெரிந்தது. போலீஸாா் வரும் தகவலறிந்து அவா்கள் தப்பியோடினா். அதில் சிக்கிய பன்னீா், செல்வம், பாண்டி, கோயிலான் மற்றும் மைனா் ஆகிய 5 பேரைக் கைதுசெய்தனா். அவா்களிடமிருந்து ரொக்கம் ரூ. 44 ஆயிரம் மற்றும் 14 மோட்டாா் சைக்கிள்களையும் பறிமுதல் செய்து விசாரித்து வருகின்றனா்.