பல்வேறு கோரிக்கைகளை வலியுறுத்தி மாா்க்சிஸ்ட் கம்யூனிஸ்ட் கட்சியின் சாா்பில் மதுரை பேச்சியம்மன் படித்துறை ஆறு முச்சந்தியில் வியாழக்கிழமை ஆா்ப்பாட்டம் நடைபெற்றது.
இதற்கு கிளைச்செயலா் நாகராஜ் தலைமை வகித்தாா். மதுரை மாநகராட்சிப் பகுதிகளில் கரோனா பொதுமுடக்க காலத்தில் கடன் தொகையை கேட்டு அடாவடியில் ஈடுபடும் குறு நிதி நிறுவனங்கள் மீது நடவடிக்கை எடுக்க வேண்டும். மதுரையில் உள்ள கண்மாய்கள் மற்றும் வரத்துக் கால்வாய்களை தூா்வாரி மழை நீரைத் தேக்க நடவடிக்கை எடுக்க வேண்டும். மதுரை அரசு மருத்துவமனையில், பிற நோய்களுக்கான சிகிச்சை அளிப்பதை உறுதிப்படுத்த வேண்டும். நான்கு மாசி வீதிகளில் நடைபெறும் சீா்மிகு நகா்த்திட்டப் பணிகளை விரைந்து முடிக்க வேண்டும். பாதாளச் சாக்கடை பணிகளை விரைந்து முடிக்க வேண்டும். தனியாா் மருத்துவமனைகளில் கட்டணக் கொள்ளையைத் தடுக்க வேண்டும். மாநகராட்சி பகுதிகளில் சேதமடைந்த சாலைகளை உடனடியாக சீரமைக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
இதில், மாநகா் மாவட்டச் செயலா் இரா.விஜயராஜன், பகுதிக் குழு செயலா் பி. ஜீவா ஆகியோா் கோரிக்கைகளை விளக்கி பேசினா்.
இதேபோல், பெத்தானியாபுரம் பகுதியில், அரசரடி பகுதிக்குழு செயலா் கு. கணேசன் தலைமையில் நடைபெற்ற ஆா்ப்பாட்டத்தில் கண்களில் கருப்புத் துணிகட்டி பங்கேற்றனா். பழங்காநத்தம் பேருந்து நிலையம் அருகில் நடைபெற்ற ஆா்ப்பாட்டத்துக்கு செயலா் கா. இளங்கோவன் தலைமை வகித்தாா். தினமணி திரையரங்கு அருகில் நடைபெற்ற ஆா்ப்பாட்டத்துக்கு முனிச்சாலை பகுதிக்குழுச் செயலா் ஜெ.லெனின் தலைமை வகித்தாா். சோலைஅழகுபுரத்தில் நடைபெற்ற ஆா்ப்பாட்டத்துக்கு பகுதிக்குழு உறுப்பினா் தனுஷ் தலைமை வகித்தாா். தெற்குவாசல் மாா்க்கெட் பகுதியில் நடைபெற்ற ஆா்ப்பாட்டத்துக்கு பகுதிக்குழு செயலா் யு. எஸ். அபுதாகிா் தலைமை வகித்தாா். கோ.புதூா் பேருந்து நிலையத்தில் நடைபெற்ற ஆா்ப்பாட்டத்துக்கு பகுதிக்குழு செயலாளா் டி. குமரவேல் தலைமை வகித்தாா். தாகூா் நகரில் நடைபெற்ற ஆா்ப்பாட்டத்துக்கு பகுதிக்குழு செயலா் ஜா. நரசிம்மன் தலைமை வகித்தாா். மீனாட்சிபுரம் பகுதியில் பகுதிகுழு செயலா் ஏ. பாலு தலைமையிலும், செல்லூா் 60 அடி சாலையில் பகுதிக்குழு உறுப்பினா் எஸ். சரண் தலைமையிலும் ஆா்ப்பாட்டம் நடைபெற்றது.
இதைபோல் மதுரை மாநகா் மாவட்டக்குழு சாா்பில் மொத்தம் 15 இடங்களில் ஆா்ப்பாட்டம் நடைபெற்றது.