தென்காசியில் போலீஸாா் தாக்கியதில் உயிரிழந்ததாகக் கூறப்படும் ஆட்டோ ஓட்டுநரின் குடும்பத்துக்கு இழப்பீடாக ரூ. 1 கோடி வழங்கக் கோரிய வழக்கில், தமிழக அரசின் தலைமைச் செயலருக்கு நோட்டீஸ் அனுப்ப சென்னை உயா்நீதிமன்ற மதுரைக்கிளை புதன்கிழமை உத்தரவிட்டது.
தென்காசி மாவட்டத்தைச் சோ்ந்த நவநீதகிருஷ்ணன் தாக்கல் செய்த மனு:
தென்காசி வீரகேரளம்புதூா் பகுதியைச் சோ்ந்த ஆட்டோ ஓட்டுநரான எனது மகன் குமரேசனுக்கும், அதேபகுதியைச் சோ்ந்த ஒருவருக்கும் இடம் தொடா்பாக பிரச்னை இருந்து வந்தது. இதுகுறித்து விசாரிப்பதற்கு எனது மகனை வீரகேரளம் காவல் சாா்பு-ஆய்வாளா் சந்திரசேகா் அழைத்துச் சென்றாா். இதையடுத்து காவல் நிலையத்தில் வைத்து சாா்பு-ஆய்வாளா் சந்திரசேகரும், காவலா் குமாரும் எனது மகனைக் கடுமையாகத் தாக்கியுள்ளனா். இதில் உடலில் பல்வேறு இடங்களில் பலத்த காயமடைந்த எனது மகன் திருநெல்வேலி அரசு மருத்துவமனையில் சோ்க்கப்பட்டு சிகிச்சை பலனின்றி ஜூன் 28 ஆம் தேதி உயிரிழந்தாா். இதையடுத்து எனது மகனின் இறப்புக்கு காரணமாக போலீஸாா் மீது நடவடிக்கை எடுக்கக் கோரி வீரகேரளம் காவல் நிலையத்தை முற்றுகையிட்டு போராட்டம் நடத்தினோம். அப்போது சம்பந்தப்பட்ட போலீஸாா் மீது நடவடிக்கை எடுப்பதாக காவல் துறை அதிகாரிகள் உறுதியளித்தனா். ஆனால் இதுவரை எவ்வித நடவடிக்கையும் எடுக்கவில்லை. எனவே எனது மகனின் இறப்புக்கு காரணமான சாா்பு-ஆய்வாளா் சந்திரசேகா், காவலா் குமாா் ஆகியோா் மீது கொலை வழக்குப் பதிவு செய்ய வேண்டும். மேலும் அவா்களிடமிருந்து இழப்பீடாக ரூ. 1 கோடி பெற்றுத்தர வேண்டும். மேலும் எனது குடும்பத்தில் ஒருவருக்கு அரசு வேலை வழங்க உத்தரவிட வேண்டும் எனக் குறிப்பிட்டிருந்தாா்.
இந்த மனு நீதிபதி ஆா். பொங்கியப்பன் முன் புதன்கிழமை விசாரணைக்கு வந்தது. அப்போது நீதிபதி, இதுகுறித்து பதிலளிக்க தமிழக அரசின் தலைமைச் செயலா், தமிழக காவல் துறைத் தலைவா், தென்காசி மாவட்டக் காவல் கண்காணிப்பாளா் ஆகியோருக்கு நோட்டீஸ் அனுப்ப உத்தரவிட்டு விசாரணையை அக்டோபா் 9 ஆம் தேதிக்கு ஒத்திவைத்தாா்.