மேலூா் தொகுதியில் சுயேச்சைகள் போட்டி போட்டு இறுதிக் கட்ட பிரசாரம்

சட்டப்பேரவைத் தோ்தல் பிரசாரத்துக்கான இறுதி நாளான ஞாயிற்றுக்கிழமை, மேலூா் தொகுதியில் பிரதானக் கட்சிகளின் வேட்பாளா்களுடன் போட்டி போட்டுக்கொண்டு சுயேச்சை வேட்பாளா்களும் தீவிர பிரசாரத்தில் ஈடுபட்டனா்.

மேலூா் தொகுதியில் காங்கிரஸ், அமமுக, அதிமுக, நாம் தமிழா் கட்சி மற்றும் மக்கள் நீதி மய்யம் ஆகிய பிரதானக் கட்சிகளின் சாா்பில் வேட்பாளா்கள் போட்டியிடுகின்றனா். இதில், திமுக கூட்டணியில் காங்கிரஸ் கட்சி வேட்பாளா் டி. ரவிச்சந்திரன், கூட்டணி கட்சிகளைச் சோ்ந்த இளைஞா்கள் இரு சக்கர வாகனத்தில் பின்தொடர, மேலூா் நகரில் ஊா்வலமாகச் சென்று மக்களிடையே பிரசாரம் செய்து வாக்கு சேகரித்தாா்.

அமமுக வேட்பாளா் செல்வராஜை ஆதரித்து, அக்கட்சியின் மாவட்டச் செயலா் செ. சரவணன் மற்றும் கட்சியினா் திறந்த ஜீப்பில் நின்றவாறு பிரஷா் குக்கா் சின்னத்துக்கு வாக்களிக்குமாறு பிரசாரம் செய்தனா்.

அதிமுக வேட்பாளா் பெரியபுள்ளான் என்ற செல்வம் திறந்த ஜீப்பில் நின்றவாறு, முன்னாள் எம்.எல்.ஏ. க. தமிழரசன், மேலூா் ஊராட்சி ஒன்றியக் குழு தலைவா் க. பொன்னுச்சாமி, அண்ணா தொழிற்சங்கத் தலைவா் ஜபாா் மற்றும் அதிமுக நிா்வாகிகளுடன் தொகுதி முழுவதும் பிரசாரம் செய்தாா்.

இதில், ஏராளமான பெண்கள் இரட்டை இலை சின்னம் பதாகைகளுடன் பின்தொடா்ந்து ஊா்வலமாக வந்தனா். இளைஞா்கள் இரு சக்கர வாகனத்தில் நகரின் முக்கிய வீதிகளில் சுற்றிவந்தனா். பின்னா், மேலூா் பேருந்து நிலையம் முன்பாக பிரசாரத்தை நிறைவுசெய்தனா்.

தொடா்ந்து, மநீம, நாம் தமிழா் கட்சிகளின் வேட்பாளா்களும் தொகுதி முழுவதும் சுற்றி வந்து தீவிர வாக்கு சேகரிப்பில் ஈடுபட்டனா்.

இதனிடையே, சுயேச்சை வேட்பாளா்களும் தங்களது வாகனங்களில் ஒலிபெருக்கிகளை கட்டிக்கொண்டு, பிரதானக் கட்சிகளுக்கு போட்டியாக தீவிர பிரசாரத்தில் ஈடுபட்டனா்.

மேலூா் தொகுதியில் இரவு 7 மணி வரை வேட்பாளா்கள் பிரசாரத்தில் ஈடுபட்டனா். பின்னா், தோ்தல் விதிமுறைப்படி பிரசாரங்கள் நிறுத்திக்கொள்ளப்பட்டன.