Enable Javscript for better performance
டிஏபி, பொட்டாஷ் உரங்களை பழைய விலைக்கே விற்க உத்தரவு- Dinamani

சுடச்சுட

    

    டிஏபி, பொட்டாஷ் உரங்களை பழைய விலைக்கே விற்க உத்தரவு

    By DIN  |   Published on : 24th April 2021 08:38 AM  |   அ+அ அ-   |    |  

    டிஏபி, பொட்டாஷ், காம்ப்ளக்ஸ் உரங்களை கடந்த ஆண்டின் விலையிலேயே விற்பனை செய்ய உர விற்பனையாளா்களுக்கு வேளாண் துறை உத்தரவிட்டுள்ளது.

    இதுகுறித்து வேளாண் இணை இயக்குநா் த.விவேகானந்தன் வெளியிட்டுள்ள செய்தி:

    மதுரை மாவட்ட தனியாா் மற்றும் கூட்டுறவு உர விற்பனை நிலையங்களில் 4,375 டன் யூரியா, 708 டன் டிஏபி, 1,788 டன் பொட்டாஷ், 3,875 டன் காம்ப்ளக்ஸ் உரங்கள் இருப்பு உள்ளன. மத்திய உரத் துறையின் உத்தரவின்படி, கடந்த ஆண்டின் (2020-2021) விலையிலேயே தற்போது டிஏபி, பொட்டாஷ், காம்ப்ளக்ஸ் உரங்கள் விற்பனை செய்ய அறிவுறுத்தப்பட்டுள்ளது.

    ஆகவே, உரங்களை கூடுதல் விலைக்கு விற்பனை செய்தால் கடும் நடவடிக்கை எடுக்கப்படும். மானிய விலை உரங்களை விற்பனை முனையக் கருவியில் விவசாயிகளின் ஆதாா் எண் வழியாக விற்பனை செய்ய வேண்டும்.

    உர மூட்டைகளில் குறிப்பிடப்பட்டுள்ள அதிகபட்ச விலைக்கு மிகாமல் உரங்களை விற்பனை செய்ய வேண்டும். அதேபோல, உரம் வாங்கும் விவசாயிகளுக்கு உரிய ரசீது வழங்குவது அவசியம். அதிக விலைக்கோ அல்லது உரிய ரசீது வழங்காமல் உரங்கள் விற்பனையில் ஈடுபட்டாலோ கடும் நடவடிக்கை எடுக்கப்படும் என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp