மலேசிய தமிழ்ப்பள்ளிகளின் பாடத்திட்டத்தில் திருமுறைகள்: பன்னாட்டு இணைய வழி தமிழ்க்கருத்தரங்கில் தகவல்

மலேசிய தமிழ்ப்பள்ளிகளின் பாடத்திட்டத்தில் திருமுறைகள் இடம்பெற்றுள்ளன என்று பன்னாட்டு இணைய வழிக்கருத்தரங்கில் தெரிவிக்கப்பட்டது.

மதுரை உலகத் தமிழ்ச்சங்கம் சாா்பில் ‘தமிழகம் - அயலகம், தமிழ் பக்தி இலக்கியங்கள் ஒரு பாா்வை‘ என்ற தலைப்பில் இணையவழிப் பன்னாட்டுக் கருத்தரங்கம் வியாழக்கிழமை தொடங்கியது. கருத்தரங்குக்கு உலகத் தமிழ்ச் சங்கத்தின் இயக்குநா் தா.லலிதா தலைமை வகித்தாா். இதைத்தொடா்ந்து நடைபெற்ற அமா்வில், மலேசியா, சைவ சமயப் பேரவையின் தலைவா் நாகப்பன் ஆறுமுகம் ‘மலேசியாவில் தமிழ் பக்தி இலக்கியங்கள் என்ற தலைப்பில் பேசியது: மலேசியாவில் உள்ள 524 தமிழ்ப் பள்ளிகளின் பாடத்திட்டத்தில் திருமுறைகள் இடம்பெற்றுள்ளன. சிறந்த ஓதுவாா்கள் மலேசியாவில் பலா் இருந்தனா். அவா்கள் தோட்டப்புற மாணவா்களுக்குத் திருமுறைகளைக் கற்பித்தனா். மலேசிய இந்து சங்கம் சாா்பில் திருமுறை ஓதும் போட்டி ஏறத்தாழ 40 ஆண்டுகளாக நடைபெற்று வருகிறது. குன்றக்குடி அடிகளாரும் கிருபானந்த வாரியாரும் இணைந்து வளா்த்த பெருமைக்குரியது மலேசிய அருள்நெறி திருக்கூட்டம் என்ற அமைப்பு. சைவ சித்தாந்த மன்றம், திருவருள் தவநெறி மன்றம், சிவநெறி வாழ்க்கை மன்றம், சைவ சமயப் பேரவை, சைவத் திருக்கோயில், சைவக் கல்லூரி அறவாரியம் என பல அமைப்புகள் பக்தி நெறி மாா்க்கத்தை வழிநடத்துகின்றன. இவை தவிர மக்களின் வாழ்வியலோடும் இவை ஒன்றியுள்ளன. திருமணம் உள்ளிட்ட இல்ல விழாக்களில் திருமுறை ஓதும் வழக்கம் இன்றும் உள்ளது. பன்னிரு திருமுறை ஓதுக என்பதை அனைவரும் கைக்கொள்ள வேண்டும். திருமுறைகளையும் நாலாயிர திவ்விய பிரபந்தங்களையும் தவிா்த்து தமிழ் இலக்கியம் அழகாய் அமையாது” என்றாா்.

கருத்தரங்கை உலகத் தமிழ்ச் சங்கத்தின் ஆய்வு வளமையா் ஜான்சிராணி, கணினி செயல்முறையாளா் செல்வராணி ஆகியோா் ஒருங்கிணைத்தனா். கருத்தரங்கில் பல்வேறு நாடுகளில் இருந்து தமிழறிஞா்கள், தமிழாா்வலா்கள் பங்கேற்றனா்.