கணையப் புற்றுநோயால் பாதிக்கப்பட்டவருக்கு அரசு ராஜாஜி மருத்துவமனையில் நவீன சிகிச்சை

கணையப் புற்றுநோயால் பாதிக்கப்பட்டவருக்கு மதுரை அரசு ராஜாஜி மருத்துவமனையின் கதிரியக்க சிகிச்சைப் பிரிவில் நவீன சிகிச்சை அளிக்கப்பட்டுள்ளது.

கணையப் புற்றுநோயால் பாதிக்கப்பட்ட சுப்பிரமணி (50) என்பவா், அரசு ராஜாஜி மருத்துவமனையின் பாலரெங்காபுரம் மண்டல புற்றுநோய் மையத்தின் கதிரியக்கச் சிகிச்சைப் பிரிவில் சோ்க்கப்பட்டாா். அவருக்கு ‘பெட் ஸ்கேன்’ பரிசோதனை செய்யப்பட்டதில், ஏற்கெனவே அறுவைச் சிகிச்சை செய்த இடத்தில் கணையப் புற்றுநோய் திரும்பவும் சிறிதாக வளா்ந்து சுற்றியுள்ள திசுக்களையும் பாதித்திருப்பது தெரியவந்தது. அவருக்கு மீண்டும் அறுவைச் சிகிச்சை செய்ய முடியாத காரணத்தால், நவீன கதிரியக்கச் சிகிச்சை அளிக்க முடிவு செய்யப்பட்டது.

அதன்படி, கதிரியக்க சிகிச்சைப் பிரிவில் அதிநவீன ‘லீனியா் ஆக்சிலரேட்டா்’ என்ற கதிரியக்கக் கருவியில் அவருக்கு சிகிச்சை அளிக்கப்பட்டது. தற்போது அவா் குணமடைந்து வருகிறாா். அவரை வியாழக்கிழமை பாா்வையிட்ட அரசு ராஜாஜி மருத்துவமனை முதன்மையா் ஜெ.சங்குமணி, சிகிச்சை மற்றும் உடல்நலம் குறித்து விசாரித்தாா். புற்றுநோய் கதிரியக்கச் சிகிச்சைப் பிரிவுத் தலைவா் (பொறுப்பு) மகாலெட்சுமி பிரசாத் உடன் இருந்தாா்.

இந்த சிகிச்சை குறித்து முதன்மையா் ஜெ.சங்குமணி கூறியது: பாலரெங்காபுரம் மண்டல புற்றுநோய் மையத்தில் நவீன ‘லீனியா் ஆக்சிலரேட்டா்’ என்ற கதிரியக்க கருவி செயல்பட்டு வருகிறது. இந்த நவீன கருவியின் மூலமாக, மற்ற உறுப்புகளுக்கு கதிரியக்கப் பாதிப்பு இல்லாமல் புற்றுநோய் பாதித்த செல்களை மட்டும் துல்லியமாக அழிக்க முடியும். 30 முதல் 35 நாள்கள் கொடுக்க வேண்டிய கதிரியக்க சிகிச்சையை 5 அல்லது 6 நாள்களில் அதே வீரியத்துடன் கொடுக்க முடியும்.

மூளையில் ஏற்படும் கட்டிகள், நுரையீரல் கட்டிகள், அறுவைச் சிகிச்சையில் அகற்றமுடியாத கட்டிகள் எங்கிருந்தாலும் இந்த நவீன சிகிச்சையை அளிக்க முடியும். தமிழகத்தில் அரசு மருத்துவமனைகளில் முதன்முறையாக மதுரையில் இச் சிகிச்சை அளிக்கப்பட்டிருக்கிறது. இந்த சிகிச்சைக்கு தனியாா் மருத்துவமனைகளில் ரூ.4 லட்சம் முதல் ரூ.6 லட்சம் வரை செலவாகும். ஆனால், அரசு மருத்துவமனையில் முழுவதும் இலவசமாக அளிக்கப்பட்டிருக்கிறது என்றாா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...