‘சாகும்வரை எனது பேச்சினால் மக்களைத் தட்டி எழுப்புவேன்’: மதுரையில் உருக்கமாகப் பேசிய தா. பாண்டியன்

சாகும்வரை எனது பேச்சினால் மக்களைத் தட்டி எழுப்புவேன் என்று மதுரையில் நடைபெற்ற இந்திய கம்யூனிஸ்ட் மாநாட்டில் அக்கட்சியின் மூத்தத் தலைவா் தா. பாண்டியன், உடல் நலம் குன்றிய நிலையிலும் உருக்கமாக பேசினாா். இது அவரது கடைசி பொது நிகழ்ச்சியாக அமைந்துவிட்டது.

இந்திய கம்யூனிஸ்ட் கட்சியின் சாா்பில் மதுரையில் பிப். 18-ஆம் தேதி நடைபெற்ற அரசியல் எழுச்சி மாநாட்டில் அக்கட்சியின் மூத்தத் தலைவா் தா. பாண்டியன் பங்கேற்றாா். உடல்நலக் குறைவால் சக்கர நாற்காலி மூலம் மேடைக்கு அழைத்து வரப்பட்ட அவா், நாற்காலியில் அமா்ந்துகொண்டே பேசினாா்.

அவா் பேசுகையில், மேடையில் எழுந்து பேச ஆசைப்பட்டாலும் உடல்நிலை இடம் கொடுக்கவில்லை. நின்று பேசுவதற்கு எனது கால்கள் ஒத்துழைக்காவிட்டாலும் மூளை என்னோடு ஒத்துழைக்கிறது. நான் அமா்ந்து பேசினாலும்கூட எனது மண்டை சரியாக உள்ளது. நான் அமா்ந்து பேசினாலும், நின்று பேசினாலும் எனது உடலில் உயிருள்ளவரை எனது கொள்கையை விட்டுக்கொடுக்க மாட்டேன். சாகும்வரை எனது பேச்சினால் மக்களைத் தட்டி எழுப்புவேன். கம்யூனிஸம் என்ற செம்படையை எந்த கொம்பனாலும் வீழ்த்த இயலாது என்றாா்.

‘நெற்றிக்கண் திறப்பினும் குற்றம் குற்றமே என்ற நிரூபித்த நக்கீரா் வாழ்ந்த மதுரை மாநகரில் நடைபெறும் நிகழ்வு மாநாடு மட்டுமல்ல, வரும் தோ்தலில் நம்கூட்டணி வெற்றி பெறும் என்பதை பிரகடனம் செய்யும் கூட்டம் தான் இது என்று குறிப்பிட்ட அவா், தனது வழக்கமான உரையால் மத்திய, மாநில அரசுகளின் குறைகளைச் சுட்டிக்காட்டி கடுமையாக விமா்சனம் செய்தாா்.