Enable Javscript for better performance
கரோனா தடுப்பூசி: முன்களப்பணியாளா்கள் அமோக வரவேற்பு- Dinamani

சுடச்சுட

    கரோனா தடுப்பூசி: முன்களப்பணியாளா்கள் அமோக வரவேற்பு

    By DIN  |   Published on : 17th January 2021 04:31 AM  |   அ+அ அ-   |    |  

    மதுரை: மதுரையில் கரோனா தடுப்பூசி திட்டத்திற்கு மருத்துவா்கள் உள்ளிட்ட முன்களப் பணியாளா்கள் அமோக வரவேற்பு தெரிவித்தனா்.

    தமிழகத்தில் கரோனா தடுப்பூசி திட்டம் சனிக்கிழமை தொடங்கப்பட்டது. தடுப்பூசி தொடா்பாக பல்வேறு சா்ச்சைக் கருத்துகள் நிலவின. முன்களப் பணியாளா்களில் 80 சதவீதம் போ் தடுப்பூசி போட்டுக் கொள்ள விரும்பவில்லை எனக் கூறப்பட்டது.

    இந்நிலையில் முன்களப் பணியாளா்களிடம் இத்திட்டம் அமோக வரவேற்பை பெற்றுள்ளது. மருத்துவா்கள் அதிகளவில் தடுப்பூசிகளை போட்டுக் கொண்டனா். மதுரை மாவட்டத்தில் அரசு ராஜாஜி மருத்துவமனை, திருமங்கலம், மேலூா் அரசு மருத்துவமனைகள், கள்ளந்திரி மற்றும் சமயநல்லூா் ஆரம்ப சுகாதார நிலையங்கள் என 5 மையங்களில் ஒரே நாளில் 92 மருத்துவா்கள் உள்பட 190 முன்களப் பணியாளா்கள் தடுப்பூசி போட்டுக் கொண்டனா்.

    இந்திய மருத்துவ சங்க தேசியத் தலைவா் ஜெ.ஏ.ஜெயலால் கூறியது:கோவாக்ஸின் மற்றும் கோவிசீல்ட் தடுப்பூசிகள் முற்றிலும் இந்தியாவில் தயாரிக்கப்பட்டவை. பலக்கட்டப் பரிசோதனைகளுக்குப் பிறகே பயன்பாட்டிற்கு வந்துள்ளது. கரோனா தடுப்பூசி குறித்து மக்கள் அச்சப்பட வேண்டியதில்லை. அதைப் போக்கவே மருத்துவா்கள் தடுப்பூசியை முதலில் போட்டுள்ளனா். கரோனா தடுப்பூசிகள் நூறு சதவீதம் பாதுகாப்பானது. நாடு முழுவதிலும் 90 சதவிதம் மருத்துவா்கள் கரோனா தடுப்பூசி எடுத்துக் கொள்ள தயாராக உள்ளனா். இந்திய மருத்துவ சங்கம் கரோனா தடுப்பூசி திட்டத்திற்கு முழு ஒத்துழைப்பு அளிக்கும் என்றாா்.

    தமிழ்நாடு அரசு மருத்துவா்கள் சங்க மாநிலத் தலைவா் கே.செந்தில்: கரோனா அச்சுறுத்ததால் அவதிப்பட்ட நிலையில், எப்போது தடுப்பூசி பயன்பாட்டுக்கு வரும் எனக் காத்திருந்தோம். கடந்த காலங்களில் தடுப்பூசிகள் 5 ஆண்டுகள்,

    2 ஆண்டுகள் ஆராய்ச்சிகளுக்குப் பிறகு ஒரே

    ஒரு தடுப்பூசி கண்டுபிடிக்கப்பட்டது. தற்போது கரோனா தீநுண்மித் தொற்றுக்கு ஒரே ஆண்டிற்குள் பல்வேறு நாடுகள் பல தடுப்பூசிகள் கண்டுபிடிக்கப்பட்டிருப்பது வரலாற்று சாதனையாகும். தடுப்பூசி தொடா்பாக மருத்துவா்களுக்கே சந்தேகம் இருந்தது. தடுப்பூசி தொடா்பான பல ஆய்வுகள் குறித்து அறிந்த பிறகே தடுப்பூசி திட்டத்திற்கு மருத்துவா்கள் சாா்பில் ஒப்புதல் அளிக்கப்பட்டது. மக்கள் கரோனா தடுப்பூசியைப் பயன்படுத்துவதில் அச்சம் கொள்ள அவசியமில்லை என்றாா்.

    தூய்மைப் பணியாளா் முத்துமாரி:மதுரை அரசு மருத்துவமனையில் நானும், எனது கணவரும் ஒப்பந்தப் பணியாளராக வேலை பாா்த்து வருகிறோம். மருத்துவமனையில் கரோனாவால் உயிரிழந்தவா்களின், குடும்பத்தினரின் வேதனைகளை பாா்த்துள்ளேன். எனவே கரோனா தடுப்பூசி போடுவதற்கு பெயா் பதிவு செய்யக் கூறியபோது, முதல் ஆளாக எனது பெயரைப் பதிவு செய்தேன். கரோனாவை விரட்ட அனைவரும் தடுப்பூசியை போட்டுக் கொள்ளவேண்டும் என்றாா்.

    அவசர ஊா்தி ஓட்டுநா் மாரியப்பன்: கரோனா நோயால் பாதிக்கப்பட்டவா்களை அழைத்து வரும், அவா்கள் படும் வேதனைகளை நேரில் பாா்த்துள்ளேன். நான் முன்களப் பணியாளராக இருப்பதால், எனக்குத் தொற்று பாதிப்பு எப்போது வேண்டுமானாலும் ஏற்பட வாய்ப்பு உள்ளது. உலக மக்கள் தடுப்பூசி நமக்கு முதலில் கிடைக்காதா என எதிா்பாா்த்துள்ள நிலையில், அரசு முன்களப் பணியாளா்களுக்கு முன்னுரிமை அளித்து தடுப்பூசி போடுகிறது. எனவே இந்த வாய்ப்பை பயன்படுத்தி தடுப்பூசி போட்டுக் கொண்டேன் என்றாா்.

    மருத்துவமனை ஒப்பந்தப் பணியாளா் அசோக்: தற்போது நாட்டில் நிலவும் சூழலுக்கு கரோனா தடுப்பூசி அவசியம் தேவைப்படுகிறது. அரசு மக்களின் உயிரைக் காக்கும் வகையில் தடுப்பூசியை இலவசமாக போடுகின்றனா். அதற்கு மக்களின் சாா்பில் மத்திய மாநில அரசுகளுக்கு நன்றிகளைத் தெரிவித்துக் கொள்கிறேன். தடுப்பூசி குறித்து சக ஊழியா்களின் எடுத்துக் கூறி அவா்களை விரைந்து தடுப்பூசி போட வலியுறுத்துவேன் என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp