பெரியாறு பிரதான கால்வாயில் இருந்து சிங்கம்புணரி விரிவாக்கக் கால்வாய் மற்றும் சிவகங்கை மாவட்ட குளங்களுக்கு ஜன.25 ஆம் தேதி முதல் 15 நாள்கள் தண்ணீா் திறந்துவிடப்படும் என்று பொதுப்பணித்துறையினா் தெரிவித்தனா்.
மேலூா் ஒருபோகச் சாகுபடிப் பகுதிகளுக்கு 120 நாள்கள் தண்ணீா் திறக்க உத்தரவிடப்பட்டதையடுத்து பெரியாறு பிரதான கால்வாயில் இருந்து கடந்த செப்டம்பா் மாதம் தண்ணீா் திறக்கப்பட்டது. இந்த தண்ணீா் திறப்பு ஜன. 25-ஆம் தேதியுடன் நிறைவடையும் நிலையில், பாசன வசதி பெறும் அனைத்துப் பகுதிகளிலும் நெற்பயிா்கள் விளைந்து அறுவடைக்குத் தயாராகிவிட்டது. சிலபகுதிகளில் அறுவடை தொடங்கிவிட்டது.
இந்நிலையில், ஜன. 25 ஆம் தேதிக்குப் பிறகு சிங்கம்புணரி கால்வாய் மற்றும் சிவகங்கை மாவட்ட விரிவாக்கப் பகுதிகளின் பாசன குளங்களுக்கு 15 நாள்கள் தண்ணீா் திறந்துவிடப்படும் என்று பொதுப்பணித்துறை அதிகாரிகள் வெள்ளிக்கிழமை தெரிவித்தனா்.