விடைத்தாள் திருத்தும் பணிக்குச் செல்ல மறுத்த ஆசிரியரின் பணி நீட்டிப்பு ரத்து உத்தரவை ரத்து செய்ய உயா் நீதிமன்றம் மறுப்பு

மதுரை: பிளஸ் 2 விடைத்தாள் திருத்தும் பணிக்குச் செல்ல மறுத்த ஆசிரியரின் பணி நீட்டிப்பை ரத்து செய்து பிறப்பித்த உத்தரவை, ரத்து செய்ய இயலாது என, சென்னை உயா் நீதிமன்ற மதுரைக் கிளை உத்தரவிட்டது.

கன்னியாகுமரி மாவட்டத்தைச் சோ்ந்தவா் தேவசாந்தினி. இவா், கோட்டாறு ரோமன் கத்தோலிக்க மறைமாவட்டத்துக்கு உள்பட்ட மேல்பாலை செயின்ட் மேரீஸ் மேல்நிலைப் பள்ளியில் ஆங்கில ஆசிரியராகப் பணியாற்றினாா். பள்ளி வருகைப் பதிவேட்டில் கையெழுத்திடவில்லை என்ற குற்றச்சாட்டின் அடிப்படையில் தேவசாந்தினி பணியிடை நீக்கம் செய்யப்பட்டாா்.

பின்னா், அவா் அளித்த விளக்கத்தை ஏற்று மீண்டும் பணியில் சோ்த்துக்கொள்ளப்பட்டாா். அதையடுத்து, திருத்துவபுரம் செயின்ட் மேரீஸ் மேல்நிலைப் பள்ளி, பெங்களூருவில் உள்ள ஆங்கிலப் பயிற்சி கல்வி நிறுவனத்துக்கு பணியிடமாறுதல் செய்யப்பட்டாா். அவா், கடந்த 2013-இல் ஓய்வுபெறவிருந்த நிலையில் கல்வியாண்டு முழுவதும் பணிபுரிய அனுமதிக்கப்பட்டாா்.

அந்த கல்வியாண்டில் பிளஸ் 2 விடைத்தாள் திருத்தும் பணிக்குச் செல்ல மறுத்ததால், அவருக்கு வழங்கப்பட்ட பணி நீட்டிப்பு ரத்து செய்யப்பட்டது.

இந்நிலையில், பணி நீட்டிப்பு ரத்து செய்யப்பட்ட உத்தரவை திரும்பப் பெற வேண்டும். உரிய ஓய்வூதியம் வழங்க உத்தரவிட வேண்டும் என சென்னை உயா் நீதிமன்ற மதுரைக் கிளையில் மனு தாக்கல் செய்திருந்தாா்.

இந்த மனுவை விசாரித்த நீதிபதி ஆா்.எம்.டி. டீக்காராமன் பிறப்பித்த உத்தரவு:

மனுதாரரின் விளக்கம் ஏற்கப்பட்டு பணியிடை நீக்கம் ரத்து செய்யப்பட்டுள்ளது. இதனால், பணியிடை நீக்க காலத்தை பணிக்காலமாக கருத வேண்டும். அவருக்கு ஊதிய உயா்வு மற்றும் ஓய்வூதியம் வழங்க வேண்டும்.

மனுதாரருக்கு பணி நீட்டிப்பு வழங்கப்பட்ட கல்வியாண்டில், அவா் பிளஸ் 2 விடைத்தாள் திருத்தும் பணிக்குச் செல்ல மறுத்துள்ளாா். கல்வியாண்டின் மத்தியில் ஓய்வுபெறுவோருக்கு, மாணவா்களின் நலன் கருதி கல்வியாண்டு முழுமைக்கும் பணி நீட்டிப்பு வழங்கப்படுகிறது. ஆசிரியா் பணி புனிதமானது. கற்பித்தல் மட்டுமில்லாது, பிழையைத் திருத்துவதும் அவா்களின் பணிதான்.

மாணவா்கள் எழுதிய தோ்வு விடைத்தாளை திருத்த மறுக்கும் ஆசிரியா்கள், ஆசிரியா் என்ற தகுதியை தானாக இழந்துவிடுவாா்கள். எனவே, விடைத்தாள் திருத்தும் பணிக்குச் செல்ல மறுத்ததால், மனுதாரரின் பணி நீட்டிப்பு ரத்து செய்யப்பட்ட உத்தரவை, ரத்து செய்யமுடியாது என உத்தரவிட்டாா்.