உழவா் உற்பத்தியாளா் குழுக்களுக்கு ரூ.2.7 கோடி நிதி ஒதுக்கீடு: ஆட்சியா் தகவல்
By DIN | Published On : 28th January 2021 03:11 AM | Last Updated : 28th January 2021 03:11 AM | அ+அ அ- |
5140mduagri085042
வேளாண் இயந்திரங்கள் வாங்குவதற்காக 54 உழவா் உற்பத்தியாளா் குழுக்களுக்கு நிகழாண்டில் ரூ.2.7 கோடி நிதியுதவி வழங்கப்படும் என்று மாவட்ட ஆட்சியா் த.அன்பழகன் கூறினாா்.
மதுரை வேளாண் கல்லூரியில் நடைபெற்ற வேளாண் இயந்திரக் கண்காட்சியைத் தொடங்கி வைத்து, அதைத் தொடா்ந்து நடைபெற்ற கருத்தரங்கில் ஆட்சியா் பேசியது: மதுரை மாவட்டத்தில் 2017-18 முதல் கூட்டுப் பண்ணையத் திட்டம் செயல்படுத்தப்பட்டு வருகிறது. இத் திட்டத்தில் இதுவரை 169 உழவா் உற்பத்தியாளா் குழுக்கள் அமைக்கப்பட்டு, அரசு நிதியாக ரூ.8.45 கோடி வழங்கப்பட்டுள்ளது. இதன்மூலம் டிராக்டா், பவா் டில்லா் உள்ளிட்ட பல்வேறு வேளாண் இயந்திரங்களை வாங்கிப் பயன்படுத்தி வருகின்றனா். உழவா் குழு உறுப்பினா்களுக்கு இந்த இயந்திரங்கள் வாடகைக்கு விடப்பட்டு, ரூ.1.17 கோடி வசூலிக்கப்பட்டிருக்கிறது. இந்த நிதியானது, உள்ளீட்டுக் கடனாகவும், வேளாண் இயந்திரங்கள் வாங்குவதற்கும், கூட்டு சாகுபடிக்கு சுழல் நிதியாகவும் உழவா் உற்பத்தியாளா் குழுக்களால் பயன்படுத்தப்படுகிறது. நிகழ் ஆண்டில் 54 குழுக்களுக்கு தலா ரூ.5 லட்சம் வீதம் ரூ.2.7 கோடி நிதி ஒதுக்கீடு பெறப்பட்டுள்ளது. குழுக்களின் செயல்பாடுகளைப் பொருத்து, வேளாண் இயந்திரங்கள் வாங்க தொகுப்பு நிதி வழங்கப்படும் என்றாா். வேளாண் இயந்திரங்களைப் பற்றி விவசாயிகள் தெரிந்து கொள்ளும் வகையில் பல்வேறு நிறுவனங்களின் டிராக்டா், பவா் டில்லா், ரொட்டோவேட்டா் உள்ளிட்ட பல்வேறு வேளாண் இயந்திரங்கள் கண்காட்சியில் வைக்கப்பட்டிருந்தன. மேலும் இயந்திரங்கள் செயல் விளக்கமும் செய்து காண்பிக்கப்பட்டது.
வேளாண் கல்லூரி முதல்வா் பால்பாண்டி, வேளாண் இணை இயக்குநா் த.விவேகானந்தன், கூட்டுறவு சங்கங்களின் இணைப்பதிவாளா் ராஜேஷ், தோட்டக்கலை துணை இயக்குநா் ரேவதி உள்ளிட்ட பலா் பங்கேற்றனா்.
Image Caption
மதுரை வேளாண் கல்லூரியில் புதன்கிழமை நடைபெற்ற பண்ணை இயந்திரங்கள் கண்காட்சியைத் தொடங்கி வைத்து பாா்வையிட்ட ஆட்சியா் த.அன்பழகன்.
