பெட்ரோல் டீசல் விலை உயா்வை கண்டித்து, மதுரை மாவட்டம் உசிலம்பட்டி, மேலூரில் காங்கிரஸ் கட்சியினா் வெள்ளிக்கிழமை ஆா்ப்பாட்டத்தில் ஈடுபட்டனா்.
உசிலம்பட்டியில் நடைபெற்ற ஆா்ப்பாட்டத்துக்கு நகர தலைவா் எம்.மகேந்திரன் தலைமை வகித்தாா். வட்டார தலைவா் வெஸ்ட்ன் முருகன் முன்னிலை வகித்தாா்.
அப்போது பெட்ரோல், டீசல், சமையல் எரிவாயு, விலை உயா்வை மத்திய அரசு கட்டுப்படுத்த வேண்டும். பெட்ரோலியப் பொருள்கள் மீதான அதிகப்படியான வரியை ரத்து செய்ய வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
மாநிலச் செயலாளா் எஸ்ஒஆா் இளங்கோவன், மாவட்ட பொருளாளா் தீபா பாண்டி ஆகியோா் வரவேற்றனா். இதில், இளைஞா் காங்கிரஸ் முன்னாள் தொகுதி தலைவா் காந்தி சரவணன், மாவட்ட முன்னாள் செயலாளா் விஜயகாந்தன் மற்றும் தவமணி, தசரத பாண்டியன், மாணிக்கம், சரவணபவன் உள்ளிட்டோா் கலந்து கொண்டனா்.
இதேபோல், சீமானுத்து- வத்தலக்குண்டு சாலையில் காங்கிரஸ் கட்சி சாா்பில் ஆா்ப்பாட்டம் நடைபெற்றது.
மேலூரில்... மேலூா் உரிமையியல் நீதிமன்றம் அருகே வழக்குரைஞா் துரைப்பாண்டியன் தலைமையிலும், மேலூா் ஊராட்சி ஒன்றிய அலுவலகம் அருகே மகாதேவன் தலைமையிலும் நகா் கங்கிரஸ் கட்சி சாா்பில் ஆா்ப்பாட்டம் நடைபெற்றது.
இதில், கொட்டாம்பட்டி ஊராட்சி ஒன்றியக் குழு முன்னாள் தலைவா் திலகராஜ், வட்டாரத் தலைவா் பொன்.காா்த்திக், மாநில விவசாய அணி துணை தலைவா் சோமசுந்தரம், முன்னாள் நகா் தலைவா் நவாப்ஜான், சீனிவாசன், பஞ்சவா்ணம், சாகுல்ஹமீது உள்ளிட்டோா் கலந்து கொண்டனா்.