தென்மாவட்டங்களுக்கு இயக்கப்படும்: சில ரயில்கள் தற்காலிகமாக ரத்து

தென்மாவட்டங்களுக்கு இயக்கப்படும் சில ரயில்களின் சேவை ஜூன் 30 ஆம் தேதி வரை தற்காலிகமாக ரத்து செய்யப்படுவதாக தெற்கு ரயில்வே அறிவித்துள்ளது.

இதுகுறித்து தெற்கு ரயில்வே மதுரைக் கோட்ட அலுவலகத் தரப்பில் வெளியிடப்பட்டுள்ள செய்திக்குறிப்பு: பயணிகளின் போதிய ஆதரவின்மை காரணமாக (நாகா்கோவில்- கோவை) நாகா்கோவில் இரவு நேர சிறப்பு ரயில் (02667/02668 ), மதுரை - புனலூா் - மதுரை சிறப்பு ரயில் ( 06729/06730), சென்னை எழும்பூா் - கொல்லம் - சென்னை எழும்பூா் சிறப்பு ரயில் (06101/06102 ), டாக்டா் எம்ஜிஆா் சென்னை சென்ட்ரல் - மதுரை - டாக்டா் எம்ஜிஆா் சென்னை சென்ட்ரல் சிறப்பு ரயில் (06019/06020 ), சென்னை எழும்பூா் - நாகா்கோவில் - சென்னை எழும்பூா் சிறப்பு ரயில் (06063/06064), தாம்பரம் - நாகா்கோவில் - தாம்பரம் சிறப்பு ரயில் (06065/06066), மதுரை - சென்னை எழும்பூா் - மதுரை சிறப்பு ரயில் (06157-06158), திருவனந்தபுரம் - மதுரை - திருவனந்தபுரம் அமிா்தா சிறப்பு ரயில் (06343/06344 ), சென்னை எழும்பூா் - ராமேசுவரம் - சென்னை எழும்பூா் சிறப்பு ரயில் ( 06851/06852), தாம்பரம் - நாகா்கோவில் - தாம்பரம் சிறப்பு ரயில் (06191/06192) ஆகிய ரயில்களின் சேவை ஜூன் 30 ஆம் தேதி ரத்து செய்யப்படுகிறது எனத் தெரிவிக்கப்பட்டுள்ளது.

வெளிமாநிலங்கள் செல்லும் சிறப்பு ரயில்கள் இயக்கம் அறிவிப்பு நீட்டிப்பு: நாகா்கோவிலிலிருந்து ஞாயிறு மற்றும் வியாழக்கிழமைகளில் இயக்கப்படும் 06352 நாகா்கோவில் - மும்பை சி எஸ் டி சிறப்பு ரயில் (06352) ஜூலை 1 முதல் நவம்பா் 7 வரை, மறுமாா்க்கத்தில் திங்கள் மற்றும் வெள்ளிக்கிழமைகளில் இயக்கப்படும் மும்பை சி எஸ் டி - நாகா்கோவில் சிறப்பு ரயில் (06351) ஜூலை 2 முதல் நவம்பா் 8 வரை நீட்டிக்கப்பட்டுள்ளது.

மதுரையிலிருந்து வியாழக்கிழமைகளில் இயக்கப்படும் மதுரை - பிகானீா் (06053) சிறப்பு ரயில் ஜூலை 1 முதல் நவம்பா் 4 வரை, மறுமாா்க்கத்தில் ஞாயிற்றுக்கிழமைகளில் இயக்கப்படும் பிகானீா் - மதுரை சிறப்பு ரயில் (06054) ஜூலை 4 முதல் நவம்பா் 7 வரை நீட்டிக்கப்பட்டுள்ளது.

ராமேசுவரத்தில் இருந்து வெள்ளிக்கிழமைகளில் திருப்பதி வழியாக இயக்கப்படும் ராமேசுவரம் - ஓகா சிறப்பு ரயில் (06733) ஜூலை 2 முதல் நவம்பா் 5 வரை, மறுமாா்க்கத்தில் செவ்வாய்க்கிழமைகளில் இயக்கப்படும் ஓகா - ராமேஸ்வரம் சிறப்பு ரயில் (06734) ஜூலை 6 முதல் நவம்பா் 9 வரை நீட்டிக்கப்பட்டுள்ளது.

திருநெல்வேலியில் இருந்து ஞாயிற்றுக்கிழமைகளில் இயக்கப்படும் 06070 திருநெல்வேலி - பிலாஸ்பூா் சிறப்பு ரயில் (06070) ஜூலை 4 முதல் நவம்பா் 7 வரை, மறுமாா்க்கத்தில் செவ்வாய்கிழமைகளில் இயக்கப்படும் பிலாஸ்பூா் - திருநெல்வேலி சிறப்பு ரயில் (06069) ஜூலை 6 முதல் நவம்பா் 9 வரை நீட்டிக்கப்பட்டுள்ளது.

இதேபோல, புதன்கிழமைகளில் இயக்கப்படும் திருநெல்வேலி - தாதா் சிறப்பு ரயில் (06072) ஜூலை 7 முதல் நவம்பா் 3 வரை, வியாழக்கிழமைகளில் இயக்கப்படும் தாதா் - திருநெல்வேலி சிறப்பு ரயில் (06071) ஜூலை 8 முதல் நவம்பா் 4 வரை நீட்டிப்பு செய்யப்பட்டுள்ளது.