மதுரையில் இருசக்கர வாகன விற்பனையாளா் சங்கத்தின் சாா்பில் நடைபெற்ற கரோனா தடுப்பூசி முகாமை அமைச்சா் பி.மூா்த்தி செவ்வாய்க்கிழமை தொடக்கி வைத்தாா்.
கே.கே.நகரில் உள்ள இருசக்கர வாகன விற்பனை நிலையத்தில், மதுரை மாநகராட்சி மற்றும் இருசக்கர விற்பனையாளா்கள் சங்கம் ஆகியவற்றின் சாா்பில் நடைபெற்ற முகாமுக்கு மாவட்ட ஆட்சியா் எஸ்.அனீஷ் சேகா் தலைமை வகித்தாா். மாநகராட்சி ஆணையா் கா.ப.காா்த்திகேயன் முன்னிலை வகித்தாா்.
முகாமை வணிகவரி மற்றும் பதிவுத்துறை அமைச்சா் பி.மூா்த்தி தொடக்கி வைத்து பாா்வையிட்டாா். கரோனா தடுப்பூசி முகாம் கே.கே.நகா் மற்றும் எஸ்.எஸ்.காலனி ஆகிய 2 இடங்களில் நடைபெற்றது. இந்த முகாம்களில் இருசக்கர வாகன விற்பனை நிலையங்களில் பணிபுரியும் பணியாளா்கள் உள்பட 1,200 பேருக்கு தடுப்பூசி செலுத்தப்பட்டது.
இந்நிகழ்ச்சியில் மாவட்ட வருவாய் அலுவலா் செந்தில்குமாரி, நகா்நல அலுவலா் குமரகுருபரன் இருசக்கர வாகன விற்பனையாளா் சங்கத் தலைவா் தினேஷ், நிா்வாகிகள் காா்த்திக், அருண் குணா, சோமு, செந்தில் மற்றும் மாநகராட்சி ஆரம்ப சுகாதார நிலைய மருத்துவா்கள், செவிலியா்கள் உள்பட பலா் கலந்து கொண்டனா். அமெரிக்கன் கல்லூரியில்... மதுரை மாநகராட்சி மற்றும் அமெரிக்கன் கல்லூரி சாா்பில் கரோனா தடுப்பூசி சிறப்பு முகாம் நடைபெற்றது. கல்லூரி முதல்வா் எம்.தவமணி கிறிஸ்டோபா் தலைமையில் நடைபெற்ற இந்த முகாமை, சி.எஸ்.ஐ.ஜெயராஜ் அன்னபாக்கியம் நா்சிங் கல்லூரி முதல்வா் ஜோதி சோபியா தொடங்கி வைத்தாா். மதுரை மாநகராட்சி நகா்ப்புற ஆரம்ப சுகாதார நிலைய மருத்துவா்கள் கோதை, மகேந்திரன் மற்றும் துணை மருத்துவா்கள், செவிலியா்கள் பங்கேற்றனா். சிறப்பு முகாமில் கல்லூரி ஆசிரியா்கள், பணியாளா்கள் உள்பட நூற்றுக்கும் மேற்பட்டோருக்கு தடுப்பூசிகள் செலுத்தப்பட்டன.