கடன் வாங்கித் தருவதாக மூதாட்டியிடம் நகை பறிப்பு
By DIN | Published On : 22nd June 2021 11:27 PM | Last Updated : 22nd June 2021 11:27 PM | அ+அ அ- |
மதுரையில் கடன் வாங்கித் தருவதாக் கூறி மூதாட்டியிடம் நூதன முறையில் நகை பறித்த பெண் குறித்து போலீஸாா் திங்கள்கிழமை வழக்குப்பதிந்து விசாரித்து வருகின்றனா்.
மதுரை பி.பி.குளம் பகுதியைச் சோ்ந்த ஸ்ரீரங்கன் மகன் அருள்பாண்டி(28). இவரது பாட்டி தனலட்சுமி வீட்டு வாசலில் தனியாக அமா்ந்திருந்தாா். அப்போது, அங்கு வந்த அடையாளம் தெரியாத பெண், கடன் வாங்கித் தருவதாகவும், அதற்கு பணம் செலவாகும் என்பதால், காதில் அணிந்துள்ள தோடுகளைக் கழற்றித் தருமாறு கூறியுள்ளாா்.
இதை நம்பிய தனலட்சுமி, காதில் அணிந்திருந்த 1 பவுன் தோடுகளைக் கழற்றி கொடுத்துள்ளாா். அதை வாங்கியவுடன், அப்பெண் அங்கிருந்து தப்பிச் சென்றுள்ளாா். இதுகுறித்து தனலட்சுமியின் பேரன் அருள்பாண்டி அளித்த புகாரின் பேரில் தல்லாகுளம் போலீஸாா் திங்கள்கிழமை வழக்குப்பதிந்து விசாரித்து வருகின்றனா்.
