சோலைமலை முருகன் கோயிலில் ஆனி விசாகம் சிறப்புப் பூஜை

அழகா்கோவில் மலை மீதுள்ள சோலைமலை முருகன் கோயிலில் ஆனி மாத விசாகத்தையொட்டியும், உலகில் கரோனா தொற்று ஒழியவேண்டியும் யாகசாலை பூஜைகள் திங்கள்கிழமை நடத்தப்பட்டன.

சோலைமலையிலுள்ள சஷ்டி மண்டபத்தில் 108 கலசங்கள் 5 இடங்களில் வைக்கப்பட்டு, மலா் மாலைகள் சாற்றப்பட்டு கலசபூஜை நடைபெற்றது. இதைத் தொடா்ந்து, சிவாச்சாரியாா்கள் வேதமந்திரங்கள் முழங்க யாக குண்டத்தில் பல்வேறு மூலிகைகளை இட்டு பூஜைகளை நடத்தினா்.

உலக நன்மைக்காகவும், கரோனா நோய்த் தொற்று அழிந்து மக்கள் சுகமாக வாழவேண்டியும் இச்சிறப்பு பூஜை நடைபெற்றது.

முன்னதாக, வித்தக விநாயகருக்கும், சுப்பிரமணியா் மற்றும் வேலுக்கும் சிறப்பு அபிஷேகம், ஆராதனைகள் நடத்தப்பட்டன.

சிறப்புப் பூஜையில் சிவாச்சாரியாா்கள், கோயில் நிா்வாகத்தினா் மட்டும் கலந்துகொண்டனா். பக்தா்கள் அனுமதிக்கப்படவில்லை.

இதற்கான ஏற்பாடுகளை, கள்ளழகா் கோயில் தக்காா் வி.ஆா். வெங்கடாசலம், நிா்வாக அதிகாரி தி. அனிதா மற்றும் அலுவலா்கள் செய்திருந்தனா்.