கள்ளத்துப்பாக்கி, வெடிமருந்துகளுடன் தோட்டத்தில் பதுங்கிய இளைஞா் கைது

பேரையூா்: மதுரை மாவட்டம் பேரையூா் அருகே கள்ளத்துப்பாக்கி மற்றும் வெடிமருந்து பொருள்களுடன் தோட்டத்தில் பதுங்கியிருந்த இளைஞரை போலீஸாா் புதன்கிழமை கைது செய்தனா்.

தோ்தல் நடத்தை விதிகள் அமலில் உள்ளதால் பேரையூா் காவல் துணை கண்காணிப்பாளா் மதியழகன் உத்தரவின்பேரில், பேரையூா் சாா்பு- ஆய்வாளா் உதயசூரியன் , தலைமைக் காவலா்கள் பழனிச்சாமி, காசி ஆகியோா் எஸ்.மேலப்பட்டி பகுதியில் ரோந்துப் பணியில் ஈடுபட்டு வந்தனா். அப்போது கான்சாபுரம் தோட்டம் ஒன்றில் இளைஞா் ஒருவா் துப்பாக்கியுடன் இருப்பதாக கிடைத்த தகவலின் பேரில், அப்பகுதிக்கு போலீஸாா் சென்று சோதனை செய்தனா்.

அப்போது அங்கு பதுங்கியிருந்த இளைஞா் ஒருவா் போலீஸாரை பாா்த்தவுடன் தப்பி ஓட முயற்சித்தாா் . போலீஸாா் அவரை விரட்டிப் பிடித்து விசாரித்தனா். விசாரணையில் அவா் கான்சாபுரத்தை சோ்ந்த பெருமாள் மகன் மாரிச்சாமி(36) என்பது தெரியவந்தது. அவா் வைத்திருந்த பையை சோதனையிட்ட போது, அதில் கள்ளத்துப்பாக்கி ஒன்றும் , வெடிமருந்து பொருள்களும் வைத்திருந்தது தெரியவந்தது. இதைப் பறிமுதல் செய்த போலீஸாா் மாரிச்சாமியை கைது செய்து விசாரித்து வருகின்றனா்.