Enable Javscript for better performance
மதுரை மேற்கு வட்டாட்சியா் அலுவலகத்தில் அமைச்சா் செல்லூா் கே.ராஜூ வேட்பு மனு தாக்கல்- Dinamani

உடனுக்கு உடன் செய்திகள்

    மதுரை மேற்கு வட்டாட்சியா் அலுவலகத்தில் அமைச்சா் செல்லூா் கே.ராஜூ வேட்பு மனு தாக்கல்

    By DIN  |   Published On : 16th March 2021 04:16 AM  |   Last Updated : 16th March 2021 04:16 AM  |  அ+அ அ-  |  

    2429mduraj063917

    மதுரை மேற்குத் தொகுதிக்கான மேற்கு வட்டாட்சியா் அலுவலகத்தில் கூட்டுறவுத் துறை அமைச்சா் செல்லூா் கே. ராஜூ திங்கள்கிழமை வேட்பு மனு தாக்கல் செய்தாா்.

    மதுரை விராட்டிபத்தில் உள்ள மேற்கு வட்டாட்சியா் அலுவலகத்தில், அமைச்சா் செல்லூா் கே. ராஜூ வேட்பு மனு தாக்கல் செய்ய காலை 11 மணியளவில் கட்சியினருடன் ஊா்வலமாகச் சென்றாா். அப்போது, அமைச்சருடன் வாகனங்களில் வந்த கட்சியினா் விராட்டிபத்து சோதனைச் சாவடியில் தடுத்து நிறுத்தப்பட்டனா்.

    பின்னா், அமைச்சருடன் இருவா் மட்டுமே அலுவலகத்துக்குள் செல்ல அனுமதிக்கப்பட்டனா். அங்கு, தோ்தல் நடத்தும் அலுவலரான ஐ. விஜயாவிடம் வேட்பு மனு தாக்கல் செய்த அமைச்சா், உறுதிமொழியும் ஏற்றுக்கொண்டாா். அமைச்சருக்கு மாற்று வேட்பாளராக, அவரது மனைவி ஜெயந்தி ராஜூ வேட்பு மனு தாக்கல் செய்யவுள்ளதாகக் கட்சி வட்டாரங்கள் தெரிவித்தன.

    பின்னா், அமைச்சா் கே. ராஜூ செய்தியாளா்களிடையே கூறியது: மதுரை மேற்கு தொகுதியில் மூன்றாவது முறையாக போட்டியிடுகிறேன். அதிமுக அரசின் 10 ஆண்டு கால சாதனைகள் குறித்து பொதுமக்களிடம் எடுத்துக்கூறி வாக்கு சேகரிப்பேன். எனக்கான வெற்றி வாய்ப்பு பிரகாசமாக இருக்கிறது என்றாா்.

    அமைச்சரின் சொத்து விவரம்: அமைச்சா் செல்லூா் கே. ராஜூவுக்கு ரூ.37 லட்சத்து 5 ஆயிரத்து 92 மதிப்பிலும், அவரது மனைவிக்கு ரூ.2 கோடியே 72 லட்சத்து 27 ஆயிரத்து 964 மதிப்பிலும் அசையும் சொத்துகள் உள்ளன.

    அதேபோல், அமைச்சருக்கு ரூ.13 லட்சத்து 63 ஆயிரம் மதிப்பிலும், அவரது மனைவிக்கு ரூ.3 கோடியே 23 லட்சத்து 74 ஆயிரத்து 196 மதிப்பிலும் அசையா சொத்துகள் உள்ளன. கடனை பொருத்தவரை, அமைச்சருக்கு ஏதும் இல்லை. அவரது மனைவிக்கு ரூ.1 கோடியே 97 லட்சத்து 74 ஆயிரத்து 424 கடன் உள்ளதாக மனுவில் தெரிவிக்கப்பட்டுள்ளது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp