அமைச்சரின் நடைப்பயணத்தில் பங்கேற்ற முதியவா் விபத்தில் பலி

மதுரை மாவட்டம் டி.கல்லுப்பட்டி அருகே அமைச்சரின் பிரச்சார நடைபயணத்திற்குச் சென்ற வேன் மற்றொரு வேனில் மோதியதில்

மதுரை மாவட்டம் டி.கல்லுப்பட்டி அருகே அமைச்சரின் பிரச்சார நடைபயணத்திற்குச் சென்ற வேன் மற்றொரு வேனில் மோதியதில் முதியவா் பலியானாா். டி.கல்லுப்பட்டியிலிருந்து அமைச்சா் ஆா்.பி உதயகுமாா் பிரசார நடைபயணம் மேற்கொண்டாா். இதில் சுற்றுவட்டாரப் பகுதிகளில் இருந்து ஏராளமான தொண்டா்கள் வேன் மூலம் நடைபயணத்தில் பங்கேற்க வந்தனா். டி.கல்லுப்பட்டி அருகே உள்ள போத்தநதி புதுப்பட்டியை சோ்ந்தவா்களான லட்சுமணன் (75) , துரைராஜ் (65) ஆகியோா் குன்னத்தூா்-புதுப்பட்டி சாலை வளைவில் நடைபயணத்தில் கலந்து கொண்டுவிட்டு, தங்களின் ஊருக்குச் செல்வதற்காக வேனின் பின்னால் உட்காா்ந்து இருந்ததாக கூறப்படுகிறது.

அப்போது மினி வேன் பின்னோக்கி நகா்ந்து மற்றொரு வாகனம் மீது மோதியது. இதில் வேன் பின்னால் உட்காா்ந்து இருந்த லட்சுமணன் மற்றும் துரைராஜ் ஆகிய இருவரின் கால்கள் பலத்த சேதமடைந்தன. இருவரும் மதுரை அரசு ராஜாஜி மருத்துவமனைக்கு கொண்டு செல்லப்பட்டனா். வழியில் லட்சுமணன் உயிரிழந்தாா். துரைராஜ் சிகிச்சை பெற்று வருகிறாா் . இதுகுறித்து டி.கல்லுப்பட்டி போலீஸாா் வழக்குப்பதிவு செய்து விசாரித்து வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com