பிரதமா் நரேந்திர மோடி வருகை: பாஜக ஆலோசனைக் கூட்டம்

பிரதமா் நரேந்திர மோடி மதுரை வருகையையொட்டி, பாஜக மாநகா் மற்றும் புகா் மாவட்டங்கள் சாா்பில் ஆலோசனைக் கூட்டம் திங்கள்கிழமை நடைபெற்றது.

தமிழக சட்டப்பேரவைத் தோ்தலை முன்னிட்டு, அதிமுக-பாஜக கூட்டணி வேட்பாளா்களை ஆதரித்து, மதுரையில் பிரசார பொதுக்கூட்டம் ஏப்ரல் 2-இல் நடைபெறுகிறது. இக்கூட்டத்தில், பிரதமா் நரேந்திர மோடி, தமிழக முதல்வா் எடப்பாடி கே. பழனிசாமி, துணை முதல்வா் ஓ. பன்னீா்செல்வம் மற்றும் மத்திய-மாநில அமைச்சா்கள் பங்கேற்கின்றனா்.

இதை முன்னிட்டு, பாஜக மதுரை மாநகா் மற்றும் புகா் மாவட்ட நிா்வாகிகளின் ஆலோசனைக் கூட்டம் நடைபெற்றது. கூட்டத்துக்கு, பாஜக மாநில பொதுச் செயலா் ராம. சீனிவாசன் தலைமை வகித்துப் பேசியது: பிரதமா் நரேந்திர மோடி பங்கேற்கும் பிரசாரக் கூட்டத்தில் பாஜக சாா்பில் தமிழகம் முழுவதுமிருந்து 1.20 லட்சத்துக்கும் மேற்பட்ட தொண்டா்கள் பங்கேற்கின்றனா்.

மதுரை மாநகா் மற்றும் புகா் மாவட்டத்திலிருந்து மட்டும் 40 ஆயிரத்துக்கும் மேற்பட்ட தொண்டா்கள் பங்கேற்க வேண்டும். மதுரைக்கு வரும் பிரதமருக்கு சிறப்பான வரவேற்பு ஏற்பாடுகளை மேற்கொள்ள வேண்டும்.

பிரதமா் வருகை குறித்து, மதுரை நகா் மற்றும் ஊரகப் பகுதிகளில் உள்ள மக்களுக்கு தெரியப்படுத்தி, பொதுமக்களையும் பங்கேற்கச் செய்ய வேண்டும். ஏற்பாடுகளில் பாஜக நிா்வாகிகள் மற்றும் தொண்டா்கள் அனைவரும் பங்கேற்க வேண்டும் என்றாா்.

கூட்டத்தில், பாஜக மாநகா் மாவட்டத் தலைவா் கே.கே. சீனிவாசன், புகா் மாவட்டத் தலைவா் மகா சுசீந்திரன், மாவட்டப் பாா்வையாளா் கதலி நரசிங்க பெருமாள் மற்றும் மாநகா், புகா் மாவட்டச் செயலா்கள், மண்டல் நிா்வாகிகள், பல்வேறு அணிகளின் நிா்வாகிகள் உள்பட பலா் பங்கேற்றனா்.