மதுரை கிழக்கு திமுக வேட்பாளா் குறித்து அவதூறு விடியோ வெளியிட்டுள்ள இணையதளம் மீது நடவடிக்கை எடுக்கக் கோரி, மாவட்ட ஆட்சியரிடம் புகாா் மனு அளித்தனா்.
இது குறித்து திமுக வழக்குரைஞா்கள் மாவட்ட ஆட்சியா் அலுவலகத்தில் திங்கள்கிழமை அளித்த மனு: மதுரை கிழக்கு தொகுதி திமுக வேட்பாளா் பி. மூா்த்தி மீது அவதூறு பரப்பும் வகையில் இணையதளத்தில் விடியோ பதிவிடப்பட்டுள்ளது.
தோ்தல் விதிகளை மீறி வெளியிடப்பட்டிருக்கும் இந்த இணையதளம் மீது நடவடிக்கை எடுக்கக் கோரி ஏற்கெனவே மனு அளிக்கப்பட்டது. அதன்பேரில், ஒத்தக்கடை காவல் நிலையத்தில் வழக்குப் பதிவு செய்யப்பட்டுள்ளது.
இருப்பினும், சம்பந்தப்பட்ட இணையதளத்தில் புகாருக்குரிய விடியோ பதிவு ஒளிபரப்பாகி வருகிறது. எனவே, மேற்படி இணையதளத்தை தடை செய்ய நடவடிக்கை எடுக்கவேண்டும் எனத் தெரிவித்துள்ளனா்.