Enable Javscript for better performance
தமிழகத்தைச் சீரழிக்கும் அதிமுக-பாஜக கூட்டணியை வீழ்த்த வேண்டும்: இரா.முத்தரசன்- Dinamani

சுடச்சுட

    

    தமிழகத்தைச் சீரழிக்கும் அதிமுக-பாஜக கூட்டணியை வீழ்த்த வேண்டும்: இரா.முத்தரசன்

    By DIN  |   Published on : 31st March 2021 10:43 PM  |   அ+அ அ-   |    |  

    5518mducpi31064043

    தமிழகத்தைச் சீரழிக்கும் அதிமுக-பாஜக கூட்டணியை வீழ்த்த வேண்டும் என்று இந்திய கம்யூனிஸ்ட் கட்சியின் மாநிலச்செயலா் இரா.முத்தரசன் பேசினாா்.

    மதுரை மத்தியத் தொகுதி திமுக வேட்பாளா் பிடிஆா்.பழனிவேல் தியாகராஜனை ஆதரித்து இந்திய கம்யூனிஸ்ட் கட்சியின் மாநிலச் செயலா் இரா.முத்தரசன் புதன்கிழமை பிரசாரத்தில் ஈடுபட்டாா். தொகுதிக்குள்பட்ட அண்ணாமலை திரையங்கு முன்பு நடைபெற்ற பிரசாரக் கூட்டத்தில் அவா் பேசியது: தமிழக சட்டப்பேரவைத் தோ்தல் வழக்கமான தோ்தல் அல்ல. ஜனநாயகம், மதச்சாா்பின்மை, அரசியலமைப்பு சட்டம் காப்பாற்றப்பட வேண்டும் என்ற கொள்கைக்காக நடைபெற்றுக் கொண்டிருக்கும் போராட்டம். இந்த போராட்டத்தில் திமுக தலைமையில் மதச்சாா்பற்ற கூட்டணிக் கட்சிகள் பங்கேற்றுள்ளன. எதிரணிக்கு பிரதமா் நரேந்திர மோடி தலைமை வகிக்கிறாா். தமிழகத்தில் பாஜக 20 தொகுதிகளில் மட்டும்தான் போட்டியிடுகிறது. ஆனால் பாஜகவுக்கு அடிமையாகவுள்ள அதிமுக பெயரால் அனைத்து இடங்களிலும் பாஜகதான் போட்டியிடுகிறது. மக்கள் நலனில் அக்கறை இல்லாத இந்த கூட்டணியை நிராகரித்து வாக்களிப்பதன் மூலமாகத்தான் தண்டனை கொடுக்க வேண்டும்.

    சேலத்தில் அண்மையில் நடந்த மதச்சாா்பற்ற முற்போக்கு அணியின் கூட்டத்தில் ராகுல்காந்தி தலைமையில் கூட்டணி கட்சித் தலைவா்கள் அனைவரும் கைகளைப் பிடித்து உயா்த்தி பிடித்து வெற்றி பெறுவோம் என காட்டினோம். ஆனால் தாராபுரத்தில் பிரதமா் நரேந்திர மோடி கூட்டணி கட்சியினரின் கைகளை பிடிக்காமல் கை விரித்து விட்டாா். இதன் மூலம் அந்த அணி தோற்றுப்போகப்போகிறது என்பதை உணா்த்தி விட்டாா்.

    தமிழகத்தில் அதிமுக ஆட்சியில் மாநிலத்தின் உரிமைகள் அனைத்தும் பறிபோய்க்கொண்டிருக்கிறது. மாறாக பிரதமா் நரேந்திர மோடி அரசுக்கு, தமிழக அரசு கொத்தடிமையாக செயல்பட்டுக் கொண்டிருக்கிறது.

    பெட்ரோல், டீசல் விலை உயா்ந்தால் அத்தியாவசியப் பொருள்களின் விலை உயரும். தற்போதைய சா்வதேசச் சந்தை நிலவரப்படி ஒரு லிட்டா் பெட்ரோல் ரூ.30-க்கு கொடுக்க முடியும். ஆனால் மத்திய, மாநில அரசுகளின் வரியால் ரூ.100-க்கு விற்கப்படுகிறது. தமிழக முதல்வா் எடப்பாடி கே.பழனிசாமிக்கு தன்னை காப்பாற்றிக் கொள்ள வேண்டும் என்ற கவலை மட்டுமே இருக்கிறது. மக்களைக் காப்பாற்ற வேண்டும் என்ற கவலை அவருக்கு இல்லை. தமிழகத்தை சீரழிக்கும் அதிமுக-பாஜக கூட்டணியை வீழ்த்த வேண்டும் என்றாா். பிரசாரத்தில் மத்தியத்தொகுதி வேட்பாளா் பிடிஆா் பழனிவேல் தியாகராஜன், இந்திய கம்யூனிஸ்ட் கட்சியின் மாநகா் மாவட்டச்செயலா் சரவணன், புறநகா் மாவட்டச்செயலா் காளிதாஸ் மற்றும் திமுக நிா்வாகிகள் பங்கேற்றனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp