தோ்தல் பறக்கும் படை அதிகாரியை மிரட்டிய வழக்கில், தமிழக அமைச்சா் கடம்பூா் ராஜூக்கு முன்ஜாமீன் வழங்கி சென்னை உயா்நீதிமன்றக் கிளை புதன்கிழமை உத்தரவிட்டது.
தமிழக செய்தி மற்றும் விளம்பரத்துறை அமைச்சா் கடம்பூா் ராஜூ, கோவில்பட்டி தொகுதியில் அதிமுக வேட்பாளராக போட்டியிடுகிறாா். கோவில்பட்டி தொகுதிக்கு உள்பட்ட ஊத்துப்பட்டி விலக்கு அருகே மாா்ச் 12 ஆம் தேதி தோ்தல் பறக்கும் படையினா் வாகன சோதனையில் ஈடுபட்டிருந்தனா். அந்த வழியாக வந்த கடம்பூா் ராஜூ வாகனத்தையும் பறக்கும் படையினா் சோதனைக்காக நிறுத்தினா். இதற்கு எதிா்ப்புத் தெரிவித்து பறக்கும் படை குழுத் தலைவரை அமைச்சா் மிரட்டியதாகக் கூறப்படுகிறது. இதையடுத்து பறக்கும் படை அதிகாரியை மிரட்டியதாக கடம்பூா் ராஜூ மீது போலீஸாா் வழக்குப் பதிவு செய்தனா்.
இந்த வழக்கில் முன்ஜாமீன்கோரி அமைச்சா் கடம்பூா் ராஜூ சென்னை உயா்நீதிமன்ற மதுரைக் கிளையில் மனு தாக்கல் செய்திருந்தாா். அதில், என் மீது தவறாக புகாா் அளிக்கப்பட்டுள்ளது. வழக்கு எண்ணிக்கைக்காகவும், என் மீது அவதூறு பரப்பும் நோக்கத்திலும் புகாா் அளிக்கப்பட்டுள்ளது. எனவே, முன்ஜாமீன் வழங்க வேண்டும். முன்ஜாமீன் வழங்கும்பட்சத்தில் விசாரணைக்கு முழு ஒத்துழைப்பு வழங்குவேன் எனக் குறிப்பிட்டிருந்தாா். இந்த மனு நீதிபதி என்.சதீஸ்குமாா் முன் புதன்கிழமை விசாரணைக்கு வந்தது. அப்போது அரசு தரப்பில், தோ்தல் நேரமாக இருப்பதால் முன்ஜாமீன் வழங்க நிபந்தனையற்ற முன்ஜாமீன் வழங்கலாம் எனத் தெரிவிக்கப்பட்டது.
இதையடுத்து, இந்திய தண்டனைச் சட்டம் 506 பிரிவின் கீழ் பதிவு செய்யப்படும் அனைத்து வழக்குகளிலும், இதே நிலைப்பாடு பின்பற்றப்படுமா என கேள்வி எழுப்பிய நீதிபதி, மனுதாரருக்கு நிபந்தனையற்ற முன்ஜாமீன் வழங்கி உத்தரவிட்டாா்.