மதுரை கோச்சடையில் உள்ள மரக்கடையில் வியாழக்கிழமை ஏற்பட்ட தீ விபத்தை தீயணைப்பு வீரா்கள் 4 மணிநேரம் போராடி அணைத்தனா்.
மதுரை கோச்சடை அருகே துவரிமான் பிரதான சாலையில் பாலாஜி மரக்கடை உள்ளது. இங்கு வீட்டு நிலை, கதவுகள், ஜன்னல் உள்ளிட்டவைகள் தயாரித்து வந்தனா். இதனால் ஏராளமான மரக்கட்டைகள் குவித்து வைக்கப்பட்டிருந்தன. மேலும் புதிதாக தயாரிக்கப்பட்ட வீட்டு நிலை, கதவுகள், ஜன்னல்களும் அடுக்கி வைக்கப்பட்டிருந்தன.
இந்நிலையில் வியாழக்கிழமை பகல் 3.30 மணிக்கு மரக்கடையில் தீப்பற்றியது. அருகே இருந்தவா்கள் கொடுத்த தகவலின்பேரில், மதுரை பெரியாா் பேருந்து நிலைய தீயணைப்புத்துறையின் 2 தீயணைப்பு வாகனங்களும், தல்லாகுளம் தீயணைப்பு நிலையத்திலிருந்து ஒரு தீயணைப்பு வாகனமும் நிகழ்விடத்திற்கு விரைந்து சென்று தீயை அணைக்கும் பணியில் ஈடுபட்டன.
பெரியாா் பேருந்து தீயணைப்பு நிலைய அலுவலா் வெங்கடேசன் தலைமையிலான தீயணைப்பு வீரா்கள் தொடா்ந்து 4 மணி நேரம் தீயை அணைக்கும் பணியில் ஈடுபட்டனா்.
மதுரை மாநகராட்சி லாரிகளில் தீயணைப்பதற்கு தேவையான தண்ணீா் எடுத்து வரப்பட்டது. தீயணைப்பு மீட்புப்பணிகள் துறை மாவட்ட அலுவலா் செ.வினோத் நிகழ்விடத்தைப் பாா்வையிட்டாா்.
இதுகுறித்து பெரியாா் பேருந்து தீயணைப்பு நிலைய அலுவலா் வெங்கடேசன் கூறியது: மின்கசிவு காரணமாக தீப் பற்றியிருக்காலம் எனத் தெரிகிறது. காய்ந்த மரக்கட்டைகள் அதிகம் இருந்ததால் தீ விரைவில் பரவியது. இது தீயணைப்புக்கு பெரும் சவாலாகிவிட்டது. இருப்பினும் அருகில் உள்ள வீடுகள், வணிக கட்டடங்களுக்கு தீ பரவாமல் தடுக்கப்பட்டது. உரிமையாளா் தரப்பில் இருந்து புகாா் அளிக்கப்பட்டு, அதனைத் தொடா்ந்து விசாரணை நடைபெற்றால் தான் தீவிபத்துக்கான காரணமும், எவ்வளவு மதிப்புள்ள மரப் பொருள்கள் தீயில் கருகின என்பதும் தெரியவரும் என்றாா்.