மேற்கு வங்கத்தில் பாஜகவினா் மீது நடத்தப்படும் தாக்குதலுக்கு எதிா்ப்புத் தெரிவித்து அம்மாநில முதல்வா் மம்தா பானா்ஜி உருவப்படத்தை எரித்து ஏபிவிபி மாணவா் அமைப்பினா் வியாழக்கிழமை ஆா்ப்பாட்டத்தில் ஈடுபட்டனா்.
மேற்கு வங்கத்தில் சட்டப்பேரவைத் தோ்தல் முடிவுகளுக்குப் பின்னா் பாஜக உள்ளிட்ட எதிா்க்கட்சியினா் மீது திரிணமுல் காங்கிரஸ் கட்சியினா் கடும் தாக்குதல் நடத்தி வருகின்றனா். இதற்கு எதிா்ப்புத் தெரிவித்து பாஜக சாா்பில் தமிழகம் முழுவதும் புதன்கிழமை போராட்டம் நடைபெற்றது. இந்நிலையில் மேற்கு வங்கத்தில் பாஜக உள்ளிட்ட எதிா்க்கட்சியினா் மற்றும் பொதுமக்கள் மீது நடத்தப்படும் தாக்குதலுக்கு எதிா்ப்புத் தெரிவித்து பாஜக மாணவா் அமைப்பான ஏபிவிபி சாா்பில் வியாழக்கிழமை ஆா்ப்பாட்டம் நடைபெற்றது.
மதுரை முனிச்சாலை காந்தி பொட்டல் பகுதியில் நடைபெற்ற ஆா்ப்பாட்டத்துக்கு அமைப்பின் தென் மாநில இணைச் செயலா் கோபி தலைமை வகித்தாா். மாநகர செயலா் வெங்கட்ராஜ் முன்னிலை வகித்தாா். இதில் மாநகர துணைத் தலைவா் வைரம் மற்றும் மாநில செயற்குழு உறுப்பினா்கள் பாரதி, பூா்ணகலா மற்றும் மாநகர அமைப்புச் செயலா் நதிஷ் மற்றும் பலா் பங்கேற்றனா். ஆா்ப்பாட்டத்தில் பங்கேற்றவா்கள் மேற்கு வங்கத்தில் நடைபெறும் வன்முறைச்சம்பவங்களுக்கு எதிா்ப்புத் தெரிவித்தும், அம்மாநில முதல்வா் மம்தா பானா்ஜியின் உருவப்படத்தை எரித்தும் முழக்கங்கள் எழுப்பினா்.