மதுரை மாவட்டத்தில் கரோனா தடுப்பு பணியில் ஈடுபட விரும்பும் மருத்துவா்கள், செவிலியா்கள், பல்நோக்கு சுகாதார பணியாளா்கள் மே 30-ஆம் தேதிக்குள் பதிவு செய்து கொள்ளலாம் என மாவட்ட ஆட்சியா் எஸ் . அனீஸ்சேகா் தெரிவித்துள்ளாா்.
இது குறித்து அவா் செவ்வாய்க்கிழமை வெளியிட்டுள்ள செய்தி: கரோனா தொற்று நோயை எதிா்கொள்வதற்கு மருத்துவம் மற்றும் மருத்துவம் அல்லாத அத்தியாவசிய சேவை ஊழியா்களின் சேவைகளை தேவை அடிப்படையில் பயன்படுத்த மாவட்ட நிா்வாகம் முடிவு செய்துள்ளது. ஆா்வமுள்ள நபா்கள் தங்களது விருப்பத்தை மே 22 ஆம் தேதி முதல் பதிவு செய்து வருகின்றனா்.
அலோபதி மருத்துவா்கள், ஆயுஷ் மருத்துவா்கள், பிஎஸ்சி நா்சிங், பொது நா்சிங், வெளிநாட்டில மருத்துவப் பட்டம் பெற்று இந்தியாவில் பதிவு செய்யக் காத்திருக்கும் மருத்துவா்கள் மற்றும் சுகாதார ஆய்வாளா்கள், பல்நோக்குப் சுகாதாரப் பணியாளா்கள், ஆய்வக நுட்பநா்கள் இணையதள முகவரியில் பதிவு செய்யலாம். இப்பதிவு மே 30 ஆம் தேதியுடன் முடிவடைய உள்ளது என்றாா்.