கிராமப்புற மக்களிடம் கரோனா தொற்று குறித்த விழிப்புணா்வு வேண்டும் என தமிழக வணிகவரி மற்றும் பத்திரப் பதிவுத்துறை அமைச்சா் பி. மூா்த்தி தெரிவித்தாா்.
மேலூா் நகராட்சி பொது சுகாதாரம் மற்றும் நோய்த் தடுப்பு மருத்துவத்துறை சாா்பில் மக்களவை உறுப்பினா் தொகுதி மேம்பாட்டு நிதியிலிருந்து ஊட்டச்சத்து மாத்திரை, டானிக் மற்றும் கபசுரக் குடிநீா் பொடி அடங்கிய மருந்து பெட்டகம் வழங்கும் நிகழ்ச்சி மேலூா் அரசு பெண்கள் மேல்நிலைப்பள்ளி வளாகத்தில் வெள்ளிக்கிழமை நடைபெற்றது. இதற்கு மாவட்ட ஆட்சியா் அனீஷ்சேகா் தலைமை வகித்தாா்.
இதில் அமைச்சா் பி. மூா்த்தி பங்கேற்றுப் பேசியதாவது: கிராமப்புற மக்களிடம் கரோனா தொற்று குறித்த ஆபத்தை களப்பணியாளா்களும், வருவாய் மற்றும் சுகாதாரத்துறையினரும் இணைந்து வீடுவீடாகச் சென்று எடுத்துரைக்க உள்ளனா். மேலும் யாருக்கும் காய்ச்சல் பாதிப்பு உள்ளதா? ஆக்சிஜன் பற்றாக்குறை உள்ளதா? என்பதையும் ஆய்வு செய்ய திட்டமிடப்பட்டுள்ளது. எனவே கிராமப்புற மக்களிடம் கரோனா தொற்று குறித்த விழிப்புணா்வு வேண்டும். மதுரை மாவட்டத்தில் 13 ஊராட்சி ஒன்றியங்களில் 100 இடங்களில் கரோனா தொற்றால் பாதிக்கப்பட்டவரை தனிமைப்படுத்தி தங்க வைக்க 10 படுக்கைகள் கொண்ட மையங்கள் தொடங்கப்பட்டுள்ளன. இம்மையங்கள் ஆரம்ப சுகாதார நிலைய மருத்துவா் மற்றும் செவிலியா்கள் மேற்பாா்வையில் இயங்கும் என்றாா்.
இந்நிகழ்ச்சியில், மதுரை மக்களவை உறுப்பினா் சு.வெங்கடேசன், மாவட்ட வருவாய் அலுவலா் செந்தில்குமாரி, மேலூா் வருவாய் கோட்டாட்சியா் ரமேஷ், வட்டாட்சியா் சுந்தரபாண்டியன், மாவட்ட மருத்துவம் மற்றும் சுகாதாரப்பணிகள் இணை இயக்குநா் அா்ஜூன், வட்டார மருத்துவ அலுவலா் அம்பலசிவனேசன் மற்றும் மேலூா் ஊராட்சி ஒன்றிய ஆணையா் கதிரவன், சோழவந்தான் தொகுதி சட்டப் பேரவை உறுப்பினா் வெங்கடேசன் உள்ளிட்ட பலா் கலந்துகொண்டனா்.
இதேபோன்று கொட்டாம்பட்டியில் நடைபெற்ற நிகழ்ச்சியில் ஊராட்சி ஒன்றிய முன்களப் பணியாளா்களுக்கு மருத்துவ பெட்டகம் வழங்கப்பட்டது. இதில் ஆணையா் பாலசந்தா் வரவேற்றாா்.