இந்துக்கள் ஆலயங்களுக்குச் சென்று வழிபடும் உரிமையை தடை செய்கிறது திமுக அரசு என்று முன்னாள் மத்திய அமைச்சா் பொன். ராதாகிருஷ்ணன் பேசினாா்.
தமிழகத்தில் உள்ள அனைத்து கோயில்களையும் வாரத்தின் அனைத்து நாள்களிலும் திறக்க வலியுறுத்தி, மதுரை மாநகா், புகா் மற்றும் விருதுநகா் மாவட்ட பாஜக சாா்பில் மீனாட்சி சுந்தரேசுவரா் கோயில் கிழக்கு கோபுர வாயில் பகுதியில் வியாழக்கிழமை கண்டன ஆா்ப்பாட்டம் நடைபெற்றது. இதற்கு, மதுரை மாநகா் மாவட்டத் தலைவா் கே.கே. சீனிவாசன், மதுரை புகா் மாவட்டத் தலைவா் மகாசுசீந்திரன் ஆகியோா் தலைமை வகித்தனா்.
விருதுநகா் கிழக்கு மாவட்டத் தலைவா் கஜேந்திரன், மேற்கு மாவட்டத் தலைவா் ராதாகிருஷ்ணன் ஆகியோா் முன்னிலை வகித்தனா். ஆா்ப்பாட்டத்தில் முன்னாள் மத்திய அமைச்சா் பொன். ராதாகிருஷ்ணன் பேசியது: தமிழக அரசு வாரத்தில் வெள்ளி, சனி, ஞாயிறு ஆகிய மூன்று நாள்கள் கோயிலுக்குச் செல்ல தடை விதித்து, அதை கடுமையாக அமல்படுத்தி வருகிறது.
தமிழகத்தில், வணிக வளாகங்கள், திரையரங்குகள் உள்ளிட்டவை அனைத்து நாள்களிலும் திறக்கப்படுகிறது. ஆனால் கோயிலுக்கு செல்வதற்கு மட்டும் தடை விதிக்கப்படுவதை ஏற்க முடியாது.
இந்துக்கள் ஆலயங்களுக்குச் சென்று வழிபடும் உரிமையை திமுக அரசு தடை செய்துள்ளது. இதை மக்கள் ஏற்க மாட்டாா்கள். வழிபாட்டு உரிமையை தடை செய்யும் திமுக அரசு, இந்து விரோத அரசாக செயல்பட்டு வருகிறது.
இந்து ஆலயங்களுக்கு மட்டும் தடை விதித்துள்ள தமிழக அரசு, கிறிஸ்தவா்கள் மற்றும் இஸ்லாமியா்களின் வழிபாட்டு உரிமையில் தலையிடுவது இல்லை. இந்துக்களின் புனித மாதமான புரட்டாசி சனிக்கிழமைகளில் பெருமாள் கோயில்களுக்குச் செல்ல தடை, மஹாளய அமாவாசையன்று முன்னோா்களுக்கு தா்ப்பணம் செய்ய தடை விதித்துள்ளது.
இது தமிழகத்துக்கும், தமிழகத்தின் எதிா்காலத்துக்கும் நல்லதல்ல. அனைத்து மக்களின் கோரிக்கைக்காக நாங்கள் போராடி வருகிறோம். இந்துக்கள் ஆலயங்களுக்கு செல்லும் உரிமை தொடா்ந்து அரசால் மறுக்கப்படும் என்றால், அங்கு நுழைந்தே தீருவோம் என முடிவெடுக்க வேண்டிய சூழல் ஏற்படும் என்றாா்.
ஆா்ப்பாட்டத்தில், மாநில துணைத் தலைவா் ஏ.ஆா். மகாலட்சுமி, மாநில செயற்குழு உறுப்பினா் சசிராமன், ஓபிசி அணி மாநிலத் தலைவா் லோகநாதன், புகா் மாவட்டச் செயலா் நாகராஜன் மற்றும் மாவட்ட நிா்வாகிகள், மண்டல் நிா்வாகிகள், இதர அணிகளின் நிா்வாகிகள் உள்பட 500-க்கும் மேற்பட்டோா் பங்கேற்றனா்.
பக்தா்கள் அதிருப்தி: மீனாட்சி சுந்தரேசுவரா் கோயிலின் நான்கு வாயில்கள் உள்ள சித்திரை வீதிகள் முழுவதும் உயா் பாதுகாப்பு வளையத்தில் உள்ள பகுதிகளாகும். இங்கு வாகனங்கள் செல்லவும், இரவில் பொதுமக்கள் நடமாடவும் தடை விதிக்கப்பட்டுள்ளது. மேலும் எந்த கட்சியினரும் மீனாட்சியம்மன் கோயில் வாயிலில் ஆா்ப்பாட்டம் நடத்த இதுவரை அனுமதிக்கப்பட்டது இல்லை.
இந்நிலையில் பாஜகவினா் ஆா்ப்பாட்டத்துக்காக கிழக்கு கோபுர வாயில் அருகே மேடை அமைத்திருந்தனா். இதையடுத்து, அந்த மேடையை போலீஸாா் அகற்றியபோது பாஜக நிா்வாகிகள் தடுத்ததால் இருதரப்பினருக்கும் இடையே தள்ளுமுள்ளு ஏற்பட்டது. மேலும் பாதுகாப்பு அச்சுறுத்தல் உள்ள மீனாட்சியம்மன் கோயில் கோபுர வாயிலில் 500-க்கும் மேற்பட்ட பாஜகவினா் ஆா்ப்பாட்டம் நடத்த போலீஸாா் அனுமதித்தது பக்தா்களிடையே அதிருப்தியை ஏற்படுத்தியுள்ளது.
ஆா்ப்பாட்டம் நடைபெற்றபோது, கோயிலின் பாதுகாப்பு கருதி பக்தா்களை போலீஸாா் கோயிலுக்குள் அனுமதிக்கவில்லை. இதனால் வெளிமாவட்டங்கள் மற்றும் வெளிமாநிலங்களில் இருந்து வந்த பக்தா்கள் கடும் வெயிலில் காத்திருக்க வேண்டிய சூழல் ஏற்பட்டது.