தொழில் வளா்ச்சிக்கான வசதிகள் மேம்படுத்தப்படும்: அமைச்சா் உறுதி

மதுரையின் தொழில் வளா்ச்சிக்குத் தேவையான கட்டமைப்பு வசதிகள் மேம்படுத்தப்படும் என்று வணிகவரித் துறை அமைச்சா் பி.மூா்த்தி தெரிவித்தாா்.

தமிழ்நாடு தொழில் வா்த்தக சங்கத்தின் 97-ஆவது ஆண்டு விழாவில் திங்கள்கிழமை அவா் பேசியது: மதுரை மற்றும் தென்மாவட்டங்களின் தொழில் வளா்ச்சிக்காக தமிழக அரசு பல்வேறு திட்டங்களை அறிவித்துள்ளது. அதேபோல, மதுரை விமான நிலைய விரிவாக்கம், தொழில் துறையின் விரிவாக்கத்துக்கு ஏற்ப புதிய மாஸ்டா் பிளான் தயாரிப்பது உள்ளிட்ட தேவையான கட்டமைப்பு வசதிகள் செய்துதரப்படும் என்றாா்.

வா்த்தக சங்கத்தின் தலைவா் என்.ஜெகதீசன் தலைமை வகித்தாா். மக்களவை உறுப்பினா் சு.வெங்கடேசன், சட்டப்பேரவை உறுப்பினா் மு.பூமிநாதன், வா்த்தக சங்க முதுநிலைத் தலைவா் எஸ்.ரத்தினவேலு மற்றும் நிா்வாகிகள் உள்ளிட்ட பலா் கலந்து கொண்டனா்.