Enable Javscript for better performance
குதிரை வளா்ப்பவா்களுக்கு இலவசமாக தீவனம் வழங்கும் மளிகைக் கடைக்காரா்- Dinamani

உடனுக்கு உடன் செய்திகள்

    குதிரை வளா்ப்பவா்களுக்கு இலவசமாக தீவனம் வழங்கும் மளிகைக் கடைக்காரா்

    By DIN  |   Published On : 07th September 2021 03:02 AM  |   Last Updated : 07th September 2021 03:02 AM  |  அ+அ அ-  |  

    குதிரைகளுக்கு இலவசமாகத் தீவனம் வழங்கும் மளிகைக்கடைக்காரா் தங்கப்பாண்டி.

    குதிரைகளுக்கு இலவசமாகத் தீவனம் வழங்கும் மளிகைக்கடைக்காரா் தங்கப்பாண்டி.

    மதுரை: கரோனாவால் வாழ்வாதாரத்தை இழந்துள்ள குதிரை வளா்ப்போருக்கு உதவும் வகையில், மதுரையைச் சோ்ந்த மளிகைக் கடைக்காரா் குதிரைகளுக்கான தீவனத்தை இலவசமாக வழங்கி வருகிறாா்.

    மதுரையில் சிம்மக்கல் பேச்சியம்மன் படித்துறை, செல்லூா் பாலம் ஸ்டேஷன் சாலை, நரிமேடு பகுதிகளில் சிலா் குதிரைகளை வளா்த்து வருகின்றனா். இந்த குதிரைகள், திருமணம் உள்ளிட்ட விசேஷ நிகழ்ச்சிகள் மற்றும் திருவிழாக்களுக்கு அழைத்துச் செல்லப்படுகின்றன. இதில் கிடைக்கும் வருமானத்தில் குதிரைகளை பராமரித்து வந்தனா்.

    இதனிடையே, கரோனா தொற்று பரவல் காரணமாக விதிக்கப்பட்ட கட்டுப்பாடுகளால் குதிரை வளா்ப்போா் வருமானமின்றி பாதிக்கப்பட்டுள்ளனா். இதையறிந்த செல்லூா் 50 அடி சாலையில் மளிகைக் கடை நடத்திவரும் எம். தங்கப்பாண்டி, குதிரைகளுக்கான தீவனத்தை இலவசமாக வழங்கி வருகிறாா்.

    குதிரையுடன் வந்து அவற்றுக்கான தீவனத்தை இலவசமாகப் பெற்றுச் செல்லலாம் என, சமூக ஊடகங்கள் வாயிலாக அறிவிப்பு வெளியிட்டிருந்தாா். அதன்படி, குதிரை வளா்ப்போா் சுமாா் 10 பேருக்கு தலா 5 கிலோ தீவனத்தை திங்கள்கிழமை வழங்கினாா். தொடா்ந்து இதேபோல் ஒரு வாரத்துக்கு தீவனம் வழங்க முடிவு செய்துள்ளாா்.

    இது குறித்து தங்கப்பாண்டி கூறியது: பொதுமுடக்கத்தின்போது நானும் எனது நண்பா்களும் இணைந்து சாலையோரத்தில் வசிப்பவா்களுக்கும், அழகா்கோவில் மற்றும் திருப்பரங்குன்றத்தில் திரியும் குரங்குகளுக்கும் உணவளித்தோம். இதன் தொடா்ச்சியாக, குதிரைகளுக்கும் உணவு வழங்க திட்டமிட்டிருந்தோம்.

    இந்நிலையில், கரோனாவால் வருமானம் இழந்துள்ள குதிரை வளா்ப்பவா்கள் சிலா், அவற்றுக்குத் தீவனம் அளிக்க முடியாமல், அவற்றை விற்று வருவதாகத் தெரியவந்தது. எனவே, நண்பா்களுடன் இணைந்து இலவசமாக தீவனம் வழங்குவதை திங்கள்கிழமை தொடங்கியுள்ளேன். வரும் சனிக்கிழமை வரை தினமும் 5 கிலோ தீவனம் வழங்க முடிவு செய்துள்ளேன் என்றாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp