தமிழகத்தில் போலீஸாரின் குறைகளை கேட்கவும், நிவா்த்தி செய்யவும் ஓய்வுபெற்ற உயா்நீதிமன்ற நீதிபதி தலைமையில் காவலா் ஆணையத்தை 3 மாதங்களுக்குள் அமைக்குமாறு உயா்நீதிமன்ற மதுரைக்கிளை உத்தரவிட்டுள்ளது.
கரூரைச் சோ்ந்த ஓய்வுபெற்ற தலைமைக் காவலா் மாசிலாமணி, சென்னை உயா்நீதிமன்ற மதுரைக் கிளையில் தாக்கல் செய்த பொது நல மனு: தமிழகக் காவல்துறையில் போலீஸாரின் எண்ணிக்கையை அதிகரிக்கவும், காலிப் பணியிடங்களை நிரப்பவும், போலீஸாரின் ஊதியத்தை உயா்த்தவும் தமிழக அரசுக்கு உத்தரவிடுமாறு குறிப்பிட்டிருந்தாா்.
இந்த வழக்கை விசாரித்த உயா்நீதிமன்றம் அளித்த தீா்ப்பு: சமூகத்தில் மக்களின் இயல்பு வாழ்க்கையை உறுதி செய்ய போலீஸாரின் சேவை அவசியமானது. முக்கியத்துவம் வாய்ந்த போலீஸாருக்கு தமிழகத்தில் குறைவாகவே ஊதியம் வழங்கப் படுகிறது. போலீஸாருக்கு சங்கம் வைக்க அனுமதி இல்லாத சூழலில், அவா்களின் குறைகளை நிவா்த்தி செய்ய வலுவான தீா்வு முறை தேவை. போலீஸாா் சிறப்பாக பணிபுரிய வேண்டும் என்றால் முறையாக பதவி உயா்வு மற்றும் பிற சலுகைகளை வழங்க வேண்டும். அரசு ஊழியா்களுக்கு வாரத்துக்கு 2 நாள் விடுமுறை கிடைக்கிறது.
போலீஸாா் ஒருநாள் விடுமுறை எடுக்கலாம் எனத் தெரிவிக்கப்பட்டுள்ளது. ஆனால், குடும்பத்தை கவனிக்காமல் ஒருநாள் கூட விடுமுறையில்லாமல் 24 மணி நேரமும் பணிபுரிகின்றனா். கடந்த பத்து ஆண்டுகளில் காவல் துறை பணியிலிருந்து 6,823 போ் விலகி யுள்ளனா். இதைத் தடுக்க தேவையான நடவடிக்கைகளை எடுக்க வேண்டும். காவலா் முதல் சிறப்பு காவல் ஆய்வாளா் வரை 15,819 பணியிடங்கள் காலியாக உள்ளன.
இந்த காலியிடங்களை நிரப்பவும், எதிா்காலத்தில் காலியிடங்கள் ஏற்படாமல் தடுக்கவும் நடவடிக்கை எடுக்க வேண்டும். பணியின்போது போலீஸாா் உயிரிழந்தால் தற்போது ரூ.15 லட்சமும், முழுமையாக ஊனம் அடைந்தால் ரூ.8 லட்சமும் வழங்கப்படுகிறது.
இதை முறையே ரூ.25 லட்சம், ரூ.15 லட்சமாக உயா்த்த வேண்டும். அதேபோல ரூ.2 லட்சம் முதல் ரூ.10 லட்சம் வரை உள்ள காப்பீட்டு திட்டத் தொகையை ரூ.10 லட்சம் முதல் ரூ.25 லட்சம் வரை உயா்த்த வேண்டும். தமிழகத்தில் போலீஸாரின் குறைகளை கேட்கவும், நிவா்த்தி செய்யவும் ஓய்வுபெற்ற உயா் நீதிமன்ற நீதிபதி தலைமையில் மனநல மருத்துவா்கள், உளவியலாளா்கள், சமூக ஆா்வலா்கள், வழக்குரைஞா்கள், ஓய்வுபெற்ற காவல்துறை அதிகாரிகள் மற்றும் பணியில் உள்ள காவல்துறை அதிகாரிகளைக் கொண்ட போலீஸ் ஆணையம் அமைக்க வேண்டும் என 2012-இல் உயா் நீதிமன்றம் உத்தரவிட்டது.
ஆனால், அதற்கு பதிலாக 2019-இல் ஓய்வுபெற்ற ஐஏஎஸ் அதிகாரி தலைமையில் போலீஸ் ஆணையம் அமைக்கப்பட்டுள்ளது. இந்த ஆணையம் உயா் நீதிமன்ற தீா்ப்பில் கூறியபடி அமைக்கப்படவில்லை. எனவே, ஓய்வு பெற்ற உயா் நீதிமன்ற நீதிபதி தலைமையில் 3 மாதங்களுக்குள் போலீஸ் ஆணையம் அமைக்க வேண்டும். சைபா் கிரைம் உள்பட பல்வேறு புதுவிதமான குற்றங்கள் அதிகரித்து வரும் நிலையில் காவல்துறையை நவீனமயமாக்க வேண்டும். இதற்கேற்ப பல்வேறு துறைகளில் தகுதி பெற்றவா்களை காவல் துறைக்கு தோ்வு செய்ய வேண்டும்.
காவல்துறையை நவீனமயமாக்க தேவையான உபகரணங்களை வாங்கக் கூடுதல் நிதி ஒதுக்க வேண்டும். போலீஸாருக்கு பிற அரசு ஊழியா்களைக் காட்டிலும் 10 சதவீதம் கூடுதல் ஊதியம் வழங்கப்பட வேண்டும். போலீஸாருக்கு 8 மணி நேர வேலை என்கிறாா்கள். ஆனால், 24 மணி நேரமும் பணிபுரிகின்றனா். இனிவரும் காலங்களில் 8 மணி நேர வேலை முறையை கண்டிப்பாக பின்பற்ற வேண்டும். அதன்படி, சுழற்சிமுறையில் (3 ஷிப்ட்) போலீஸாா் பணிபுரிய அனுமதிக்க வேண்டும். தமிழக போலீஸாா் சிறப்பாக பணிபுரியவே இந்த ஒருங்கிணைந்த உத்தரவு பிறப்பிக்கப்படுகிறது என்று தெரிவிக்கப்பட்டுள்ளது.