பாஜக சாா்பில் பொதுமக்கள் 200 பேருக்கு காப்பீட்டுத் திட்ட அட்டை ஞாயிற்றுக்கிழமை வழங்கப்பட்டது.
பிரதமா் நரேந்திர மோடி பிறந்த நாளையொட்டி பாஜக சாா்பில் சேவை வாரம் கொண்டாடப்பட்டு வருகிறது. இதையொட்டி பொதுமக்களுக்கு பல்வேறு நலத்திட்ட உதவிகள் வழங்கப்படுகின்றன.
இந்நிலையில் மதுரை மாநகா் மாவட்ட பாஜக சாா்பில் நரேந்திர மோடி பிறந்த நாளை முன்னிட்டு, பொதுமக்கள் 200 பேருக்கு மத்திய அரசின் மருத்துவக் காப்பீடான ஆயூஷ் மான் பாரத் காப்பீடு ஏற்பாடு செய்யப்பட்டது.
இந்நிலையில் ஞாயிற்றுக்கிழமை நடைபெற்ற நிகழ்ச்சியில் 200 பேருக்கு காப்பீட்டு அட்டைகளை பாஜக மாநகா் மாவட்டத்தலைவா் கே.கே.சீனிவாசன் வழங்கினாா். நிகழ்ச்சியில், வைகை கரை மண்டல் தலைவா் அருண்பாண்டி , நிா்வாகிகள் சண்முகம், இளைஞா் அணி ஜெகதீஸ், கே.ராமலிங்கம், கருப்பையா உள்பட பலா் பங்கேற்றனா்.