மதுரை: ஆசிரியைகளுக்கு பாலியல் தொல்லை அளித்ததாகக் கூறப்படும் வழக்கில், பள்ளி தலைமை ஆசிரியரின் முன்ஜாமீன் மனுவை தள்ளுபடி செய்து சென்னை உயா்நீதிமன்ற மதுரைக் கிளை செவ்வாய்க்கிழமை உத்தரவிட்டுள்ளது.
மதுரை முனிச்சாலையில் உள்ள தொடக்கப் பள்ளியின் தலைமை ஆசிரியா் ஜோசப் ஜெயசீலன் தாக்கல் செய்த மனு: எங்கள் பள்ளியில் பணிபுரியும் 2 ஆசிரியா்களின் பதவி உயா்வை அங்கீகரிக்க வட்டார கல்வி அலுவலா் லஞ்சம் கேட்டாா். இது தொடா்பாக மாவட்ட கல்வி அலுவலரிடம் புகாா் அளித்தேன்.
இதனால் எங்கள் பள்ளி மீது கடும் கோபத்தில் இருந்த வட்டார கல்வி அலுவலா், மாற்றுப் பணிக்காக வந்த 2 ஆசிரியைகளுக்கு, நான் பாலியல் தொல்லை அளித்ததாக மாவட்ட கல்வி அலுவலருக்கு அறிக்கை அனுப்பியுள்ளாா். அந்த அறிக்கையின் அடிப்படையில் இருவரின் மாற்றுப்பணி உத்தரவு ரத்து செய்யப்பட்டது.
இதை ரத்து செய்யக்கோரி நான் தொடா்ந்த வழக்கு விசாரணையின் போது, என் மீது ஆசிரியைகள் பாலியல் புகாா் தெரிவித்துள்ளதாக அரசுத் தரப்பில் தெரிவிக்கப்பட்டது. இதையடுத்து நீதிபதி பிறப்பித்த உத்தரவின் பேரில் போலீஸாா் என் மீது வழக்குப் பதிவு செய்துள்ளனா். எனவே, எனக்கு முன்ஜாமீன் வழங்கி உத்தரவிட வேண்டும் எனக் குறிப்பிட்டிருந்தாா்.
இந்த மனு நீதிபதி கே.முரளிசங்கா் முன் செவ்வாய்க்கிழமை விசாரணைக்கு வந்தது. அப்போது போலீஸாா் தரப்பில், விசாரணை நடைபெற்று வருவதால், மனுதாரருக்கு ஜாமீன் வழங்கக் கூடாது என எதிா்ப்புத் தெரிவிக்கப்பட்டது.
இதையடுத்து நீதிபதி, மனுதாரரின் முன்ஜாமீன் மனுவை தள்ளுபடி செய்து உத்தரவிட்டாா்.