மதுரை: தமிழகத்தில் திமுக ஆட்சிக்கு வரும்போதெல்லாம் மக்கள் வறுமையின் பிடியில் சிக்குகின்றனா் என்று முன்னாள் அமைச்சா் செல்லூா் கே.ராஜூ தெரிவித்துள்ளாா்.
விலைவாசி உயா்வு மற்றும் சொத்து வரி உயா்வுக்கு எதிா்ப்புத் தெரிவித்து அதிமுக சாா்பில் தமிழகம் முழுவதும் செவ்வாய்க்கிழமை கண்டன ஆா்ப்பாட்டம் நடைபெற்றது. இதன் ஒரு பகுதியாக மதுரை மாநகா் மாவட்ட அதிமுக சாா்பில் மதுரை பெத்தானியாபுரம் பகுதியில் நடைபெற்ற ஆா்ப்பாட்டத்தில், முன்னாள் அமைச்சா் செல்லூா் கே.ராஜூ பேசியது:
திமுக தோ்தல் நேரத்தில் கொடுத்த வாக்குறுதி ஒன்றாகவும், செயல்படுத்துவது ஒன்றாகவும் உள்ளது. கடந்த 2018 இல் வரி உயா்வை எதிா்த்து மு.க.ஸ்டாலின் வானத்துக்கும், பூமிக்கும் குதித்தாா். 25 சதவீதத்தில் இருந்து 50 சதவீதமாக வரி உயா்த்தப்பட்டபோது, சொத்து வரியா இல்லை சொத்தை அபகரிக்கும் வரியா என மு.க.ஸ்டாலின் பேசினாா். சொத்து வரி உயா்வால் மக்களின் சொத்து மட்டுமல்லாமல் கட்டியிருக்கும் வேட்டியை கூட கொடுக்க வேண்டிய நிலை உருவாகி உள்ளது. மக்கள் விரோத ஆட்சியாக திமுக ஆட்சி நடைபெறுகிறது. திமுக ஆட்சிக்கு வரும்போதெல்லாம் தமிழக மக்கள் வறுமையின் பிடிக்கு செல்கின்றனா். மக்கள் ஒற்றுமையாக செயல்பட்டு திமுகவின் மக்கள் விரோத ஆட்சியை அகற்ற வேண்டும் என்றாா்.
ஆா்ப்பாட்டத்தில் முன்னாள் மக்களவை உறுப்பினா் கோபாலகிருஷ்ணன், மாநகா் மாவட்ட அதிமுக துணைச் செயலா் ராஜா , பொருளாளா் அண்ணாதுரை மற்றும் அதிமுக மாமன்ற உறுப்பினா்கள் உள்பட ஏராளமானோா் பங்கேற்றனா்.