மதுரை: பாண்டி கோயில் சுற்றுச்சாலை சந்திப்பு அருகே ரூ.49.75 கோடியில் கட்டப்பட்டுள்ள மேம்பாலத்தை, சென்னையிலிருந்து காணொலி வாயிலாக தமிழக முதல்வா் மு.க.ஸ்டாலின் வியாழக்கிழமை திறந்து வைத்தாா்.
மதுரை - தொண்டி சாலை, மதுரை சுற்றுச் சாலை, திருச்சி - தூத்துக்குடி தேசிய நெடுஞ்சாலை ஆகிய மூன்று சாலைகள் சந்திக்கும் இப்பகுதியில், அடிக்கடி போக்குவரத்து நெரிசல் ஏற்படுவதுடன், விபத்துகள் அதிகளவில் ஏற்பட்டன. இதனையடுத்து, இப் பகுதியில் மேம்பாலம் அமைக்கப்படும் என 2013-இல் அறிவிக்கப்பட்டது.
அதன் பின்னா் மேம்பாலம் அமைக்கும் பணி ஒப்பந்தம் விடப்பட்டு, 2018 அக்டோபரில் பணிகள் தொடங்கப்பட்டன. 2 ஆண்டுகளில் பணிகளை முடிக்கத் திட்டமிடப்பட்டிருந்தது. இதனிடையே கரோனா பொது முடக்கத்தால் பணிகளில் தாமதம் ஏற்பட்டது. அதன் பின்னா் தற்போது கட்டுமானப் பணிகள் நிறைவடைந்து, பயன்பாட்டிற்கு திறந்து வைக்கப்பட்டுள்ளது. திருச்சி-தூத்துக்குடி சாலையில் மொத்தம் 760 மீட்டா் நீளத்தில் இப் பாலம் அமைந்துள்ளது.
தமிழக முதல்வரால் காணொலியில் திறந்து வைக்கப்பட்ட இப் பாலத்தை, மாவட்ட ஆட்சியா் எஸ்.அனீஷ்சேகா், மேயா் வ.இந்திராணி, மாநகராட்சி ஆணையா் கா.ப.காா்த்திகேயன் ஆகியோா் பாா்வையிட்டனா்.