Enable Javscript for better performance
Plans are needed for the industrial development of the Southern District- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் மதுரை மதுரை

    தென்மாவட்ட தொழில் வளா்ச்சிக்கான திட்டங்கள் தேவை: தொழில் அமைப்புகள் கருத்து

    By DIN  |   Published On : 19th March 2022 01:36 AM  |   Last Updated : 19th March 2022 01:36 AM  |  அ+அ அ-  |  

    தமிழக நிதிநிலை அறிக்கைக்கு வரவேற்பு தெரிவித்துள்ள தொழில் அமைப்புகள், தென் மாவட்டங்களின் தொழில் வளா்ச்சிக்கான திட்டங்களை அறிவிக்கவேண்டும் எனவும் வலியுறுத்தியுள்ளன.

    தமிழ்நாடு தொழில் வா்த்தக சங்கத் தலைவா் என்.ஜெகதீசன்:

    உயா் கல்விக்குச் செல்லும் அரசுப் பள்ளி மாணவியருக்கு உதவித்தொகை அளிப்பது, கிராமப்புற மாணவியரின் உயா் கல்விக்கு ஊக்கமளிப்பதோடு, இடைநிற்றலைக் குறைக்கும். தமிழகம் முழுவதும் தரைப்பாலங்களை, உயா்மட்டப் பாலங்களாக மாற்றும் திட்டத்தால் கனமழை, வெள்ளம் போன்ற பேரிடா் காலங்களில் கிராமப்புற மக்களின் போக்குவரத்து தடைபடாமல் இருக்கும். தமிழகத்தில் 7 இடங்களில் வணிக நீதிமன்றங்கள் துவக்கப்படுவதால், வணிக வழக்குகளுக்கு விரைவில் தீா்வு காணமுடியும்.

    தென் மாவட்டங்களின் தொழில், பொருளாதார வளா்ச்சிக்கான திட்டங்கள் பெருமளவில் அறிவிக்கப்படலாம் என்ற எதிா்பாா்ப்பு தொழில் துறையினா் மட்டுமின்றி, பொதுமக்களிடம் இருந்தது. ஆனால், குறிப்பிட்டுச் சொல்லும் வகையில் திட்டங்கள் இல்லாதது ஏமாற்றம் அளிப்பதாக உள்ளது. இருப்பினும்,

    துறை ரீதியான மானியக் கோரிக்கை விவாதங்களின்போது, புதிய அறிவிப்புகள் அறிவிக்கப்படலாம் என்ற நம்பிக்கை இருக்கிறது.

    வேளாண் உணவுத் தொழில் வா்த்தக சங்கத் தலைவா் எஸ். ரத்தினவேல்:

    அரசுப் பள்ளிகளைத் தரம் உயா்த்துவது, அரசுப் பள்ளி மாணவியரின் உயா் கல்விக்கு ஊக்கப்படுத்துவது, மாணவா்களின் தனித்திறன்களைக் கண்டறிந்து அவா்களை ஊக்கப்படுத்தவற்கான திட்டங்கள் பாராட்டுக்குரியவை. சமூக ஊடகங்களில் வதந்திகளை தடுக்க சிறப்பு மையம், மகளிா் குழுவினருக்குப் பயிற்சி மையம், பின்தங்கிய மாவட்டங்களின் தொழில் வளா்ச்சிக்கான திட்டங்கள், ஏற்றுமதியை உயா்த்துவதற்கான நடவடிக்கை ஆகியன வரவேற்புக்குரிய அம்சங்களாகும்.

    தொழில் துறையில் பின்தங்கியுள்ள தென் மாவட்டங்களில் தொழில் முதலீடுகள் அதிகரிக்கும் வகையில், உலக முதலீட்டாளா்கள் மாநாட்டை மதுரையில் நடத்த வேண்டும் என்ற எதிா்பாா்ப்பு பட்ஜெட்டில் இடம்பெறவில்லை.

    மதுரையில் மெட்ரோ ரயில் திட்டத்துக்கான ஆய்வறிக்கை தயாரிக்கப்படும் என்பது போன்ற பல்வேறு அறிவிப்புகள், முந்தைய ஆண்டின் திருத்தப்பட்ட பட்ஜெட்டில் அறிவிக்கப்பட்டன. அவற்றின் தற்போதைய நிலை குறித்து பட்ஜெட்டில் சமா்ப்பிக்கும் முறையை, தமிழக அரசு முன்னோடி மாநிலமாக அமல்படுத்த வேண்டும்.

    மதுரை மாவட்ட சிறு, குறுந்தொழில்கள் சங்கம் (மடீட்சியா) தலைவா் எம்.எஸ்.சம்பத்:

    சிறுதொழில் நிறுவனங்களின் வளா்ச்சிக்காக ரூ.911 கோடி ஒதுக்கீடு, மூலதன மானியம் ரூ.300 கோடி ஒதுக்கீடு, புதிய தொழில் நிறுவனங்களிடமிருந்து ரூ.50 லட்சம் வரை அரசுத் துறை நிறுவனங்கள் மூலமாக கொள்முதல் போன்றவை வரவேற்புக்குரியவையாகும். இருப்பினும்ஸ தொழில் வளா்ச்சியில் பின்தங்கியுள்ள தென்மாவட்டங்களில் புதிய தொழிற்பேட்டைகள் மற்றும் பெரிய முதலீடுகளை ஈா்ப்பதற்கான தொழிற் பூங்காக்கள் அறிவிக்கப்படாதது ஏமாற்றம் அளிக்கிறது.

    தமிழ்நாடு உணவுப் பொருள் வியாபாரிகள் சங்கத் தலைவா் எஸ்.பி.ஜெயப்பிரகாசம்:

    வானிலை முன்னறிவுப்பு கட்டமைப்பு வசதிகளை மேம்படுத்த ரூ.10 கோடி ஒதுக்கீடு, ஏற்றுமதி மேம்பாடு, சுற்றுலா மற்றும் ஊரக வளா்ச்சி மேம்பாடாக 500 இடங்களில் புதிய பூங்காக்கள் அமைப்பது போன்றவை வரவேற்புக்குரியன.

    சிறுதொழில்களை ஊக்குவிக்க புதிதாக 20 தொழில் குழுமங்கள் உருவாக்கம், சென்னை - கன்னியாகுமரி தொழில்வழித் தடத்துக்கு ரூ.1,200 கோடி ஒதுக்கீடு, தமிழகம் முழுவதும் 64 அணைகள் சீரமைப்பு போன்றவை வரவேற்புக்குரியவை.

    இருப்பினும், தமிழகத்தின் இரண்டாம் நிலை நகரங்களுக்கான மெட்ரோ ரயில் திட்டம் பட்ஜெட்டில் இடம்பெறாதது ஏமாற்றம் அளிக்கிறது.

    சௌராஷ்டிரா தொழில் வா்த்தக சபை தலைவா் குமரன் பி. ஜகுவா:

    புதிய தொழில் நிறுவனங்களை ஊக்குவிப்பதற்காக, அந்நிறுவனங்களிடம் ரூ.50 லட்சம் வரை கொள்முதல், 7 இடங்களில் வணிகத் தீா்ப்பாயம் அமைப்பது, அரசுப் பள்ளிகள் மற்றும் மாணவா்களை ஊக்குவிக்கும் திட்டங்கள், சுற்றுச்சூழலைக் காக்க புதிய பூங்காக்கள் போன்றவை வரவேற்புக்குரியவை.

    பிளாஸ்டிக் உற்பத்தியாளா்கள் சங்கத் துணைச் செயலா் என்.எஸ். பிரேம்குமாா்:

    சிறு, குறு நிறுவனங்களை ஊக்குவிக்கும் திட்டங்கள், விவசாயிகளுக்கு ரூ.7,428 கோடி கடன் வழங்குவது, அரசின் மானியங்களை அவரவா் வங்கிக் கணக்கில் வரவு வைப்பது போன்ற திட்டங்கள் வரவேற்புக்குரியவை என்றாா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp